‘यसका पाप, जो धेरै छन्, क्षमा भएका छन्, यसकारण यस स्त्रीले बढी प्रेम देखाई ।’ —लूका ७:४७

बाइबलले भन्दछः ‘फरिसीहरूमध्ये एक जनाले उहाँलाई भोजन गर्न निम्तो दिए… त्यस सहरमा एउटी पापी स्त्री थिई । फरिसीको घरमा येशू खान बस्नुभएको छ भन्ने सुनेर एउटा सिङ्गमरमरको शीशीमा अत्तर लिएर त्यो त्यहाँ आई, र पछिल्तिरबाट उहाँका पाउनेर उभिएर, रुँदै उहाँका पाउ आँसुले भिजाउन लागी, र अÇनो शिरका कपालले पुछ्दै उहाँका पाउलाई चुम्बन गरी, र त्यो अत्तर घस्न लागी..ती फरिसीले यो देखेर मनमनै यसो भन्न लागे, “यिनी अगमवक्ता हुँदा हुन् ता यिनलाई छुने को र कस्ती स्त्री हो भनी यिनले जान्नेथिए, किनकि यो त पापीनी हो ”’ (पद ३६–३९) । तब येशूले उसको विचारको जवाफ दिनुभयो । येशूले यो फरिसीलाई के भन्नुभयो ? जुन कुरा उहाँले आज तपाईंलाई भनिरहनुभएको छः तपाईंको विगतले तपाईंलाई परमेश्वरको आराधना गर्न योग्य बनाउँछ । ‘यसका पाप, जो धेरै छन्, क्षमा भएका छन्, यसकारण यस स्त्रीले बढी प्रेम देखाई’ (पद ४७) । पापको जुन गहिराइबाट तिनलाई उचालिएको थियो त्यसले तिनलाई आराधनाको त्यो उचाइमा पु¥यायो जसलाई कुरा यो फरिसीले बुझ्न सकेन । यदि धर्मशास्त्रमा आराधनाको अगुवा कोही छ भने, ती दाऊद हुन् । आफ्नो विगततर्फ फर्केर हेर्दै उनी लेख्छन्ः ‘मैले धैर्यसाथ परमप्रभुको प्रतीक्षा गरें, उहाँले ममाथि दृष्टि गर्नुभयो र मेरो पुकारा सुन्नुभयो । उहाँले मलाई सर्वनाशको खाडल र हिले धापबाट निकाल्नुभयो । उहाँले मेरा खुट्टाहरूलाई चट्टानमाथि बसाल्नुभयो, र मलाई उभिन दृढ स्थान दिनुभयो । उहाँले मेरा ओठमा एउटा नयाँ गीत राखिदिनुभयो, हाम्रा परमेश्वरका प्रशंसाको एउटा गीत । धेरैले यो देख्नेछन् र डराउनेछन्, र परमप्रभुमा भरोसा राख्नेछन्’ (भजन ४०:१–३) । त्यसकारण, तपाईंको लागि आजको वचन छः तपाईंको विगतले तपाईंलाई एक योग्य आराधक बनाउँछ

आत्मिक भोजनः उत्पत्ति ४४–४६ यूहन्ना १९:१–२४ भजन १४८:७–१४ उपदेशक ५:४–६

The Word for Today is authored by Bob and Debby Gass and published under licence from UCB International Copyright © 2024