‘भलाइ गर्ने काममा हामी नथाकौं ।’ —गलाती ६:९
जीवनमा तपाईंले हरप्रकारका समस्याहरू सामना गर्नुपर्नेछ । त्यसोभए, तपाईंले के गर्नुपर्छ ? लागिपर्नुहोस् ¤ तपाईंको जीवनमा जेसुकै भइरहेको भए तापनि, हार मानेर छोड्न इन्कार गर्नु नै जीत हो । याद राख्नुहोस् कि तपाईंको संघर्षको ताममा, पवित्र आत्माले तपाईंभित्र अक्सर उहाँको सबैभन्दा ठूलो काम गरिरहनुभएको हुन्छ । पावलले लेखेका छन्, ‘यति मात्र होइन, तर हामी आफ्नो संकष्टमा रमाउँछौं, यो जानेर कि संकष्टले सहनशीलता उत्पन्न गराउँछ, सहनशीलताले चरित्र उत्पन्न गराउँछ’ (रोमी ५:३–४) । परमेश्वर परिस्थितिअनुसार चल्नुहुन्न, र तपाईं पनि चल्नुहुँदैन । यदि तपाईं दृढ रहेर उहाँलाई पछ्याउनुहुन्छ भने उहाँले तपाईंलाई कुनै पनि परिस्थिति पार गराएर ल्याउनुहुनेछ । यसको अर्थ प्रार्थनामा लगनशील, आफ्नो संकल्पमा अथक, विश्वासमा अटल, र परमेश्वरको वचन र तपाईंलाई उहाँका प्रतिज्ञाहरूमा दृढतासाथ खडा हुन प्रतिबद्ध हुनु हो । यो समयमा धेरै बिस्तारै काम अगाडि बढेको देखेर विचलित नबन्नुहोस् । जब तपाईं अहिले धरै कुरा भइरहेको जस्तो देखिँदैन भन्ने चरणमा हुनुहुन्छ, तब प्रायः परमेश्वरले तपाईंमा र तपाईंमार्फत महत्त्वपूर्ण कुरा निर्माण गर्न बलियो जग बसाल्दै हुनुहुन्छ । तपाईंमा प्रभुको काम भनेको उहाँले तपाईंमार्फत गर्न चाहनुभएको कामको लागि तयारी हो । जब जीवन कठिन र प्रगति धेरै ढिलो देखिन्छ, तपाईंलाई स्थिर रहन सहायता गर्नुहुन परमेश्वरसँग बिन्ती गर्नुहोस् । उहाँले त्यसो गर्नुहुनेछ । यहाँ धर्मशास्त्रका दुई वटा खण्ड छन् जसमा आज तपाईं खडा हुन सक्नुहुन्छः ‘भलाइ गर्ने काममा हामी नथाकौं, किनभने यदि हिम्मत हारेनौं भने ठिक समयमा हामी कटनी गर्नेछौं’ (गलाती ६:९) । ‘यसकारण मेरा प्रिय भाइ हो, स्थिर र अटल रहो । प्रभुको काममा सधैं बढ्दैजाओ । किनकि तिमीहरू जान्दछौ, कि प्रभुमा तिमीहरूको परिश्रम व्यर्थ हुँदैन’ (१ कोरिन्थी १५:५८) ।यसकारण हामी असल काम गर्न नथाकौं, किनकि उचित समयमा अवश्य इनाम मिल्नेछ ।
आत्मिक भोजनः यशैया १–३ यूहन्ना ५:१६–३० भजन १५ हितोपदेश २७:१०–१२
The Word for Today is authored by Bob and Debby Gass and published under licence from UCB International Copyright © 2024
