‘तपाईं जहाँ जानुहुन्छ म पनि त्यहीँ जानेछु ।’ —रूथ १:१६
रूथको पुस्तकले विश्वासमा कदम चाल्ने र जोखिम लिनेहरू अनि डराउने, सुरक्षित रहन चाहने र आप्mना लागि परमेश्वरका उत्तम कुराहरू गुमाउनेहरू बिचको भिन्नतालाई चित्रण गर्छ । यो पुस्तक यी शब्दहरूसाथ सुरु हुन्छः ‘उहिले नै न्यायकर्ताहरूको शासनकालमा देशमा अनिकाल प¥यो, अनि यहूदाको बेथलेहेमबाट कुनै एक जना मानिस आफ्नी पत्नी (नाओमी) र दुई भाइ छोराहरूलाई लिएर मोआबीहरूको देशमा केही समयको लागि बस्नलाई गए’ (पद १) । केही समयसम्म त सबै थोक राम्रै थियो, त्यसपछि दुःखद अवस्था सृजना भयो । पहिले नाओमीका पति एलिमेलेकको मृत्यु भयो, र तिनी आफ्ना दुई छोराहरूसाथ छोडिइन् । तिनीहरूले ओर्पा र रूथ नामक स्थानीय केटीहरूलाई विवाह गरे र त्यसपछि छोराहरू पनि गुमेपछि शोकले भावव्हिल भएकी नाओमीले बेथलेहेममा घर फर्कने निर्णय गर्छिन् र आफ्ना दुई बुहारीलाई मोआबमा बस्न र नयाँ पति खोज्न र परिवार बसाउनको लागि सल्लाह दिन्छिन् । यहीँनेर ती दुई स्त्रीहरूका बिचमा भिन्नता देखापर्छ । ओर्पाले मोआबमा बस्ने निर्णय गरिन्, यद्यपि त्यो मनको पीडा र कठिनाइको ठाउँ थियो । किन ? किनभने यो तिनले चिनेको ठाउँ हो । यो तिनको सहजताको क्षेत्र थियो । तिनमा अगि बढ्ने विश्वास थिएन । तर रूथ भिन्न थिइन् । तिनले नाओमीलाई भनिन्ः ‘तपाईं जहाँ जानुहुन्छ म पनि त्यहीँ जानेछु । तपाईं जहाँ बस्नुहुन्छ म पनि त्यहीँ नै बस्नेछु । तपाईंका मानिसहरू मेरा मानिसहरू हुनेछन्, अनि तपाईंका परमेश्वर मेरा परमेश्वर हुनेछन्’ (पद १६) । ओर्पा पछाडि फर्किन्, रूथ अगाडि बढिन् । अनि यसले पछि गएर प्रतिफल दियो । बेथलेहममा तिनले आफ्नो नयाँ पति बोअजलाई भेटिन् । उनी धनी मात्र थिएनन्, तर उनले तिनको राम्रो हेरचाह गरे, र तिनीहरूले एउटा छोरा जन्माए जसबाट राजा दाऊद र हाम्रा धन्यका प्रभु येशू दुवैको वंशज आयो । परमेश्वरले विश्वासलाई इनाम दिनुहुन्छ, डरलाई होइन । त्यसकारण तपाईंको लागि आजको वचन छ– यो विगतसँग सम्बन्ध तोडेर अगाडि बढ्ने समय हो ।
आत्मिक भोजनः प्रेरित २७–२८ मर्कूस ५:३१–४३ भजन ९४:१२–२३ हितोपदेश ११:१६–१८
The Word for Today is authored by Bob and Debby Gass and published under licence from UCB International Copyright © 2024
