‘जसले तिमीहरूमा एउटा असल काम सुरु गर्नुभयो, उहाँले नै त्यो पूरा गर्नुहुनेछ ।’ —फिलिप्पी १:६
हामीमध्ये धेरै जनासँग आपूmभित्र परमेश्वरको आकारको सपना छ, तर हामी असफल भइएला भनी यति डराउँछौं कि हामीले प्रयास नै गर्दैनौं । यो कसरी हुन सम्भव छ भन्ने हामी कल्पना गर्न सक्दैनौं । त्यसकारण, हामी यसतर्फ काम गर्दैनौं । यहाँ एउटा चुनौती छः नतिजाको बारेमा चिन्ता नगर्नुहोस् । त्यो तपाईंक्रो जिम्मेवारी होइन । ‘मलाई यो दृढ विश्वास छ, जसले तिमीहरूमा एउटा असल काम सुरु गर्नुभयो, उहाँले नै येशू ख्रीष्टको दिनमा त्यो पूरा गर्नुहुनेछ ।’ तपाईंले यसमा काम मात्रै गर्नु आवश्यक छ । यो कुनै ठूलै कुरा हुनुपर्दैन । वास्तवमा, यो सायद कुनै सानो कुरा हुनेछ । प्रत्येक ठूलो कुरा सानोबाटै सुरु हुन्छ । तर यदि तपाईंले साना कुराहरू पनि ठूला कुरा जस्तै महत्त्व दिएर गर्नुहुन्छ भने, परमेश्वरले तिनीहरूलाई आशिष् दिनुहुनेछ र तिनीहरूलाई प्रयोग गर्नुहुनेछ । ए. डब्ब्लु. टोजर नामक ईश्वरशास्त्रीले भनेका छन्, ‘परमेश्वरबारे निम्नस्तरको दृष्टिकोण नै सयौं तुच्छ खराबीहरूको कारण हो । परमेश्वरबारेको उच्च दृष्टिकोण दशौं हजार सांसारिक समस्याहरूको समाधान हो ।’ पावलले एफिससका विश्वासीहरूका लागि कसरी प्रार्थना गरे, ध्यान दिनुहोस्ः ‘म यो पनि प्रार्थना गर्दछु, कि तिमीहरूको ह्दयका आँखा उज्यालो होस्, र कुन आशाको निम्ति उहाँले तिमीहरूलाई बोलाउनुभएको छ, र सन्तहरूमा उहाँको महिमित उत्तराधिकारको सम्पत्ति के हो, सो तिमीहरूले जान्न सक । अनि हामी विश्वास गर्नेहरूका निम्ति उहाँको शक्तिको असीम महानता के हो, सो तिमीहरू जान्न सक । त्यो शक्ति उहाँको महान् सामथ्र्यको काम नै हो ¤’ (एफिसी १:१८–१९ ) । परमेश्वर के गर्न सक्षम हुनुहुन्छ भनेर हामी कल्पना गर्न समेत सक्दैनौं । यसको अर्थ हुन्छः हामीले परमेश्वरलाई हाम्रो जीवनमाथि नियन्त्रण दियौं भने हामीले के गर्न सक्छौं भनेर कल्पना गर्न सक्दैनौं । उहाँको शक्तिले प्रतिक्रियामाथि प्रतिक्रियाहरूको लहर सुरु गर्छ । अनि हामीभित्र काम गर्ने उहाँको शक्तिले, उहाँले हामीलाई जे गर्न बोलाउनुभएको छ, हामी ती सबै काम पूरा गर्न सक्छौं ।यसकारण अझै ठूला कुराको लागि तपाईंले परमेश्वरमा विश्वास गर्न सक्नुहुन्छ ।
आत्मिक भोजनः व्यवस्था ५–७ मर्कूस ६:१४–२९ भजन ३७:१–७ हितोपदेश ११:२४–२६
The Word for Today is authored by Bob and Debby Gass and published under licence from UCB International Copyright © 2024
