‘जो कमजोरीबाट बलिया भए र युद्धमा वीर भए ।’ —हिब्रू ११:३४
हिब्रूको पुस्तकका लेखकले यसो भनेका छन्ः ‘गिदोन, बाराक, शिमशोन, यिप्ताको बारेमा र दाऊद, शमूएल र अगमवक्ताहरूका विषयमा भनिरहन मलाई समय छैन…जो कमजोरीबाट बलिया भए, युद्धमा वीर भए, विदेशीहरूका फौजलाई भगाए’ (पद ३२–३४) । धर्मशास्त्रका कतिपय महान् सफलताका कथाहरू दुर्बलता र चारित्रिक कमजोरीहरूसँग संघर्ष गर्ने मानिसहरूका बारेमा छन् । तिनीहरू असफलता र पराजयमा फसेका थिए, तापनि परमेश्वरको अनुग्रहले तिनीहरूले आफ्नो विरुद्धमा राखिएका अवरोध र बाधाहरूलाई जितेका थिए । बाइबलको मुख्य विषय पुनरुत्थान हो— मृतकबाट फेरि जीवित भई उठ्ने काम ¤ प्रश्न यहाँ छः यदि तपाईं असफलताबाट बच्न सक्नुहुन्न, तर तपाईंले यसको सामु आत्मसमर्पण गर्ने सोच पनि राख्नुहुँदैन भने, तपाईंले यसलाई कसरी सम्भालनहुन्छ ? पहिले, आफ्नो मनोवृत्तिपरिवर्तन गर्नुहोस् । एउटा कार्टुन हास्यव्यंग्य श्रृंखलामा होमर नामक पात्रले हामीमध्ये धेरैको मनोवृत्तिलाई यसरी संक्षेपमा वर्णन गरेको छ, ‘बच्चाहरू, तिमीहरूले सक्दो प्रयास ग¥यौ र नराम्ररी असफल भयौ । यसबाट सिक्नुपर्ने पाठ यही हो– कहिल्यै प्रयास नगर ।’ त्यसैगरी, अर्को कार्यक्रम उसले यस्तो पनि टिप्पणी ग¥यो, ‘प्रयास गर्नु असफलताको पहिलो पाइला हो ।’ अधिकांश वास्तविक मानिसहरूले जस्तै, त्यो होमर नामक पात्रले पनि कहिल्यै प्रयास गर्दैन, ऊ यत्तिकै अड्केर रहन्छ । जीवनमा सफल हुने मानिसहरूमा विश्वास र दृढता हुन्छ । तिनीहरूले हार मानेर छोड्न इन्कार गर्छन्† तिनीहरूले असफलताबाट पराजित नहुने निर्णय गरेका छन् । ‘जो कमजोरीबाट बलिया भए’ भन्ने शब्दहरूमा ध्यान दिनुहोस् । तपाईं कमजोर हुँदै सुरु गर्न सक्नुहुन्छ, तर परमेश्वरको अनुग्रहद्वारा तपाईं बलियो बन्न सक्नुहुन्छ । तपाईं असफलताको खरानीको थुप्रोबाट उठ्न सक्नुहुन्छ, आफ्नो लक्ष्य प्राप्त गर्न सक्नुहुन्छ अनि परमेश्वरले चाहनुभएको जीवन जिउन सक्नुहुन्छ । हामीलाई यो कुरा कसरी थाहा छ ? किनभने परमेश्वरको वचनले त्यसो भन्छ ¤यसकारण, प्रयत्न गर्नु र असफल हुँदा हार नमानी अगि बढिरहनु नै सफलताको मार्ग हो ।
आत्मिक भोजनः गन्ती २२–२४, मत्ती ११:२०–३०, भजन १०८, हितोपदेश ३:३१–३२
The Word for Today is authored by Bob and Debby Gass and published under licence from UCB International Copyright © 2024
