‘सब समय पवित्र आत्मामा प्रार्थना गर ।’ —एफिसी ६:१८
तपाईंको आात्मिक हातहतियार सही तरिकाले लगाउनु पर्छ ताकि सबै भागहरू मिलेर रहनेछन्, अन्यथा तपाईं असुरक्षित बन्नुहुन्छ र शैतानको हातबाट पराजित हुनुहुनेछ । त्यसोभए, तपाईंले त्यो काम कसरी गर्नुपर्छ ? पावलले हामीलाई बताउँछन्ः ‘सब समय पवित्र आत्मामा प्रार्थना गर ।’ तपाईंको लुगाको अल्मारीमा तपाईले शारीरिक क्षेत्रमा लगाउनुपर्ने कुराहरू पाउनुहुन्छ भने तपाईंको प्रार्थना कोठामा तपाईंले आत्मिक क्षेत्रमा लगाउनुपर्ने कुरा फेला पार्नुहुन्छ । प्रार्थनाद्वारा मात्र तपाईं आत्मिक युद्धको लागि पोशाक लगाएर तयार बन्नुहुन्छ, त्यसैले पोशाक नलगाई युद्धमा नजानुहोस् । पावल लेख्छन्, ‘प्रभु येशू ख्रीष्टलाई धारण गर र पापमय स्वभावको अभिलाषा पूरा गर्ने कुरामा ध्यान नदेओ’ (रोमी १३:१४) । यो परीक्षामाथि विजय पाउने सन्दर्भमा धर्मशास्त्रका सबैभन्दा प्रभावकारी पदहरूमध्ये एक हो । कुकुरहरूलाई सुन्न र तिनीहरूको आदेश पालन गर्न तालिम दिने पेशेवारहरू व्यक्तिहरूले कुकुरको अगाडि रातो मासुको टुक्रा फालेर सुरु गर्छन् । तालिम नपाएको कुकुर तुरुन्तै त्यसतर्फ जान्छ, तर अन्ततः प्रशिक्षकले त्यो कुकुरलाई त्यसको अगाडि जेसुकै राखिएको भएता पनि त्यो तालिमदाताप्रति त्यसको अविभाजित ध्यान केन्द्रित गर्न सिकाउँछ । त्यो तालिमको प्रक्रिया पूरा भइसक्दा, लालच लाग्ने कुरा आफ्नो नाकैमुनि राखिएको भए तापनि त्यो कुकुरले आफ्नो मालिकबाट आँखा हटाउँदैन । तपाईंको लागि यहाँ एउटा महŒवपूर्ण शिक्षा छ । यदि तपाईंले आफ्नो दृष्टि येशूमा टिकाउनुभयो भने, शैतानले तपाईंतिर कस्तो प्रकारको झूट वा परीक्षा फाल्छ, त्यसले फरक पार्दैन । कहिलेकहीँ तपाईं ‘त्यसतर्फ जान’ चाहन सक्नुहुन्छ तर यदि तपाईं येशूमा केन्द्रित रहनुभयो र उहाँको मात्रै आवाज सुन्नुभयो भने तपाईं युद्धमा विजयी बन्नुहुनेछ ।यसकारण आत्मिक युद्धका लागि अनुशासन र प्रार्थना निकै महŒवपूर्ण छ ।
आत्मिक भोजनः प्रस्थान २०:१५ यहोशू ७:१–२६ तितस २:६–१० एफिसी ४:२८
The Word for Today is authored by Bob and Debby Gass and published under licence from UCB International Copyright © 2024
