‘बालकलाई ऊ हिँड्नुपर्ने बाटोमा तालीम देऊ, र वृद्धावस्थासम्म ऊ त्यसबाट तर्किएर जाँदैन ।’ —हितोपदेश २२:६
आफ्ना छोराछोरीका लागि प्रार्थना गरिरहनुहोस्उडन्ता पुत्र अन्ततः घर फर्कियो र परिवारमा आफ्नो ठाउँमा पुनस्र्थापित गरियो । जब उसले सबैकुरा गुमायो र सुँगुर चराउनुपर्ने अवस्थामा पुग्यो, बाइबलले भन्दछ, ‘उसको चेत खुल्यो’ (लूका १५:१७) । आपूmले प्रेम गरेको कसैले दुःख भोगेको हेर्न गाह्रो हुन्छ, तर कहिलेकहीँ तिनीहरू सुध्रनको लागि तलै पुग्नुपर्ने हुन्छ । उडन्ता पुत्रको उध्रने र टुट्ने बिन्दु नै उसको सुध्रने र उठने बिन्दु बन्नपुग्यो । ‘म उठेर आफ्ना बाबुकहाँ जानेछु, र उहाँलाई भन्नेछु, “बुबा, मैले…पाप गरेको छु”’ (पद १८) । ध्यान दिनुहोस् कि उसका बाबु आफ्नो विद्रोही सन्तानप्रति असल अभिभावक थिए । यदि यसले तपाईंलाई वर्णन गर्छ भने, यहाँ तीन वटा असल सल्लाह छन्ः (१) आफैलाई दोष नदिनुहोस् । (२) आफ्नो शक्तिको स्थितिबाट आफ्ना छोराछोरीको कमजोरीको न्याय नगर्नुहोस् । तिनीहरूले देख्न सक्दैनन्, किनकि तिनीहरू आत्मिक रूपमा दृष्टिविहीन र बेसमझका छन् । तर परमेश्वरले तिनीहरूको आँखा खोल्न सक्नुहुन्छ । येशूले भन्नुभयो, ‘पिताले खिँच्नुभएन भने कोही मकहाँ आउन सक्दैन’ (यूहन्ना ६:४४) । तपाईं प्रार्थना गर्नुहोस् र खिच्ने काम परमेश्वरलाई दिनुहोस् । (३) आफ्नो ह्दय र ढोका खुला राख्नुहोस् । जब उडन्ता पुत्र अन्ततः होशमा आयो, कहाँ जानुपर्छ भन्ने कुरा उसलाई थाहा थियोः उसलाई प्रेम गर्ने पिताकहाँ घर फर्कनु । तपाईंले आफ्ना छोराछोरीलाई तिनीहरूको कार्यको नतिजाबाट बचाउन सक्नुहुन्न, अनि सायद तपाईंले तिनीहरूको पीडालाई पनि कम गर्न सक्नुहुन्न । तर यदि तपाईंले प्रार्थना गर्नुहुन्छ, तपाईंको ह्दय र तपाईंको ढोका खुला राख्नुहुन्छ भने, परमेश्वरले तिनीहरूलाई फिर्ता ल्याउन सक्नुहुन्छ । ‘बालकलाई ऊ हिँड्नुपर्ने बाटोमा तालिम देऊ, र वृद्धावस्थासम्म ऊ त्यसबाट तर्किएर जाँदैन ।’ त्यो एउटा यस्तो प्रतिज्ञा हो जसमा तपाईं आज खडा हुन सक्नुहुन्छ ।यसकारण तपाईंका सन्तान बरालिएका छन् भने पनि निराश नहुनुहोस्, बरु तिनीहरूका लागि प्रार्थना गरिरहनुहोस् ।
आत्मिक भोजनः उत्पत्ति २४:१–२५:१८ यूहन्ना १४:१५–२५ भजन ११८:१९–२९ हितोपदेश ३१:१४–१७
The Word for Today is authored by Bob and Debby Gass and published under licence from UCB International Copyright © 2024
