आफ्नो चिन्ता परमेश्वरलाई सुम्पनुहोस्

‘परमेश्वरको शान्तिले तिमीहरूका ह्दय र तिमीहरूका मनलाई येशूमा रक्षा गर्नेछ ।’ —फिलिप्पी ४:७

जब तपाईं चिन्तित महसुस गर्नुहुन्छ र डराउनुहुन्छ, तपाईंले गर्नुपर्ने दुई वटा कुरा यहाँ छन्ः १) एक जना ‘विश्वासी मित्र’ पत्ता लगाउनुहोस् । जब चिन्ताले तपाईंको मनलाई गाँज्छ, चिन्ताको लहरलाई तोड्ने सबैभन्दा शक्तिशाली तरिकामध्ये एक चाहिँ ‘विश्वासी मित्र’ लाई आफ्नो चिन्ता खुलस्त पार्नु हो । इस्राएलीहरू प्रतिज्ञा गरिएको भूमि कब्जा गर्न जाँदा परमेश्वरले तिनीहरूलाई यसो भन्नुभयोः ‘यहाँ कोही डरपोक र कातर छ भने, त्यो आफ्नो घर फर्कोस् । किनभने त्यसको कारणले त्यसका दाजुभाइहरूले हरेस खानेछन्’ (व्यवस्था २०:८) । निराशावाद, डर र निरुत्साह संक्रामक हुन्छन् । अनि साहस पनि त्यस्तै हुन्छ ¤ २) कदम चाल्नुहोस् र आफ्नो डरको सामना गर्नुहोस् । परमेश्वरले कसरी तपाईंको वास्ता गर्नुहुन्छ भन्ने बारेका प्रवचनहरू मात्रै तपाईंको जीवनबाट चिन्ता हटाउन पर्याप्त छैनन् । तपाईंले कतिपय कामहरू गर्नैपर्छ, जस्तै कि विश्वासमा कदम चाल्नु । तपाईंको शिरबाट तपाईंको शरीरको बाँकी भागसम्म परमेश्वरको शान्ति प्राप्त गर्ने तरिका भनेको उहाँमा यतिसम्म विश्वास गर्नु हो जहाँ तपाईंले आफ्नो डरको सिधै सामना गर्न सक्नुहुन्छ । त्यसकारण, यो कुरा ध्यानमा राख्दैः (क) भजन २३ जस्ता खण्डहरूमा मनन गर्नुहोस्ý प्रभुले तपाईंलाई गोठालालेझैं हरिया खर्कहरूहुँदो र शान्त पानीको छेउमा डो¥याउनुभएको कल्पना गर्नुहोस् । (ख) चिन्ताले तपाईंको दिमागमा डेरा जमाउने अवसर पाउनुभन्दा पहिल्यै आफ्नो ‘विश्वासी मित्र’ सँग कुरो गर्नुहोस् । (ग) ‘छोटो एकै सासमा सकिने प्रार्थना’ प्रयोग गर्नुहोस् जस्तै, ‘हे परमेश्वर, म तपाईंमा मेरा सबै फिक्री सुम्पँदैछु ।’ (घ) व्यायाम गर्नुहोस् । शारीरिक व्यायाम अतिरिक्त एड्रेनालाइन निर्माण हुनबाट रोक्ने उत्तम तरिकाहरूमध्ये एक हो । (ङ) आफ्नो डर पहिचान गर्नुहोस् र यसको सामना गर्न सानो भए पनि कदम चाल्नुहोस्, अनि (च) पर्याप्त विश्राम लिनुहोस् । दाऊदले भनेका छन्, ‘शान्तिमा म पल्टनेछु र निदाउनेछु, किनकि हे परमप्रभु, तपाईंले मात्र मलाई सुरक्षित राख्नुहुन्छ’ (भजन ४:८) ।यसकारण आज आफ्नो चिन्ता परमेश्वरलाई सुम्पनुहोस् ¤

आत्मिक भोजनः गन्ती ८–१० मत्ती १०:११–२० ल भजन १०७:१०–१६ हितोपदेश ३:१९–२०

The Word for Today is authored by Bob and Debby Gass and published under licence from UCB International Copyright © 2024