‘जसले मलाई शक्ति दिनुहुन्छ, उहाँमा नै म सब कुरा गर्न सक्छु ।’ —फिलिप्पी ४:१३
आफ्नो जागिर गुमाउनु विनाशकारी अनुभव हुन सक्छ । हो यस्तै अवस्थामा तपाईंले सही दृष्टिकोण राख्नुपर्छ । आफूसँग थोरै हुनुले तपाईंलाई कम कम महŒवको व्यक्ति बनाउँदैन । परमेश्वरले अझै पनि तपाईंलाई महŒव दिनुहुन्छ, अनि तपाईंले पनि आफैँलाई महŒव दिइरहनुपर्छ । ख्रीष्टियन जीवन कष्ट र विजयको जीवन हो । पावल लेख्छन्ः ‘कसरी होचिने र कसरी बढ्ने म जान्दछु । परिपूर्णतामा होस् वा भोकप्यासमा होस्, प्रशस्ततामा होस् वा अभावमा होस्, सबै परिस्थितिमा सन्तुष्ट रहने रहस्य मैले सिकेको छु । जसले मलाई शक्ति दिनुहुन्छ, उहाँमा नै म सब कुरा गर्न सक्छु’ (पद १२–१३) । बेरोजगार हुँदा तपाईंले के गर्नुपर्छ ? (१) आफ्नो खर्चलाई न्यूनतममा घटाउनुहोस् । यसको अर्थ निजी सवारी साधनको सट्टा बस वा रेल चढ्ने, आफँै खाना बनाउने र लागत बचत गर्ने अन्य उपायहरू प्रयोग गर्ने हो । (२) बेरोजगार हुनुको कलंक हटाइदिनुहोस् । तपाईंले आफ्नो जागिर गुमाउनु भएकाले मानिसहरूले तपाईंलाई कम आँकलन गर्छन् भन्ने नसोच्नुहोस् । मानिसहरूले सामान्यतया तपाईंको अवस्थालाई तपाईंले जस्तै प्रतिक्रिया दिन्छन् । तिनीहरूले तपाईंको अर्को कदमको बारेमा तपाईंको उत्साहलाई प्रेरणादायक पाउनेछन्– त्यो कदम के हो भन्नेबारे तपाईंलाई अझै थाहा नभए तापनि । ‘हामी जान्दछौं उहाँलाई प्रेम गर्नेहरू र उहाँका अभिप्रायअनुसार बोलाइएकाहरूका निम्ति हरेक कुरामा परमेश्वरले भलाइ नै गर्नुहुन्छ’ (रोमी ८:२८) । भ्mयालखानामा परेपछि योसेफ मिश्रदेशका प्रधानमन्त्री बन्नपुगे । ‘तापनि परमप्रभु तिमीहरूका परमेश्वरले बालामको कुरा सुन्नुभएन, तर उहाँले त्यो सरापलाई आशिष्मा परिवर्तन गर्नुभयो, किनभने उहाँले तिमीहरूलाई माया गर्नुहुन्छ’ (व्यवस्था २३:५) । परमेश्वरले तपाईं भित्रका प्रतिभा र तपाईंको वरिपरिका सम्पर्कहरू प्रकट गर्न सक्नुहुन्छ अनि तपाईंले सम्भव छ भनी कहिल्यै नसोच्नुभएका आशिष् र सफलताको लागि ढोका खोल्न सक्नुहुन्छ । त्यसकारण जागिर वा पेशामा अहिले तपाईंको परिस्थिति जेजस्तो भए तापनि उहाँमा भरोसा राख्नुहोस् र विश्वास गरिरहनुहोस् कि तपाईंका उत्तम दिनहरू आउँदैछन् ।
आत्मिक भोजनः यर्मिया ३६:२७–४०:१६ मर्कूस १:४०–४५ भजन २५:१–७ हितोपदेश ९:१७–१८
The Word for Today is authored by Bob and Debby Gass and published under licence from UCB International Copyright © 2024
