‘मानिस एक्लै रहन असल छैन । म त्यसको निम्ति त्यसलाई सुहाउने एक जना सहयोगी बनाउनेछु ।’ —उत्पत्ति २:१८
परमेश्वरले तपाईंको वैवाहिक जीवनसाथीलाई तपाईंका शारीरिक आवश्यकताहरू, तपाईंका भावनात्मक आवश्यकताहरू र तपाईंका कतिपय आत्मिक आवश्यकताहरू समेत पूरा गर्नका लगि सृष्टि गर्नुभयो । आदमले सिद्ध स्वास्थ्य उपभोग गरे, सिद्ध पेशामा काम गरे, अनि सिद्ध वातावरणमा बसोवास गरे । उनी हरेक दिन परमेश्वरसँग हिंडे समेत । तापनि उनी एक्लो र अपूर्ण थिए । त्यसैले परमेश्वरले भन्नुभयो, ‘मानिस एक्लै रहन असल छैन । म त्यसको निम्ति त्यसलाई सुहाउने एक जना सहयोगी बनाउनेछु ।’ ‘सहयोगी’ भन्ने शब्दमा ध्यान दिनुहोस् । परमेश्वरले तपाईंको पति वा पत्नीलाई तपाईंलाई वृद्धि हुन र तपाईंको नियति पूरा गर्न मदत गर्ने उद्देश्यका लागि सृष्टि गर्नुभयो । तपाईंहरूबिच घनिष्ठ शारीरिक, भावनात्मक र आत्मिक बन्धन छ । पृथ्वीमा कसैले पनि तपाईंलाई परमेश्वरले दिनुभएका जीवन साथीभन्दा राम्ररी चिन्नेछैन । तिनी तपाईंको सबैभन्दा घनिष्ठ मित्र, सल्लाहकार र विश्वासपात्र हुनुपर्छ । यसका लागि सञ्चार आवश्यक छ ¤ अनि असल सञ्चारचाहिँ सही प्रश्नहरू सोध्ने र ध्यानपूर्वक उत्तरहरू सुन्नुमा आधारित छ । यसको लागि टिभी, तपाईंको ल्यापटप, आइप्याड र सेल फोन बन्द गर्नुपर्ने हुन्छ । यसको अर्थ, ‘आज तिमीलाई कस्तो छ ?’ भनी सोध्नु, त्यसपछि लुकेका भावनाहरू सतहमा आउन अवसर दिनको लागि पर्याप्त समयसम्म सुन्नु हो । आफ्नो जीवनसाथीको चिन्ता, भावना, डर, आशा र सपना नबुझेसम्म सुन्नुहोस् । सही रूपमा सुन्नुहोस् ताकि तपाईंले तिनका वास्तविक आवश्यकताहरू मूल्यांकन गर्न सक्नुहुन्छ— तपाईंले उत्तम रूपमा पूरा गर्न सक्नुहुने आवश्यकताहरू । तपाईंका प्रश्नहरूले तपाईंको वास्ताको स्तर प्रकट गर्दछन् अनि त्यसमा तपाईंले प्राप्त गर्नुभएका जवाफहरू लामो, सुखी वैवाहिक जीवनको आधार बन्न सक्छन् । वास्तवमा परमेश्वरको मनमा यही कुरा थियो जब उहाँले भन्नुभयो, ‘यसैकारण मानिसले आफ्ना आमा–बुबालाई छोड्छ र आफ्नी पत्नीसँग मिलिरहन्छ, र तिनीहरू एउटै शरीर हुन्छन्’ (पद २४) ।यसकारण सफल वैवाहिक जीवनका लागि आफ्नो वैवाहिक जीवनसाथीको कुरा सुन्न सिक्नुपर्छ ।
आत्मिक भोजनः इजकिएल ५–९ मर्कूस १४:१२–२६ भजन ४ हितोपदेश १४:१७–२०
The Word for Today is authored by Bob and Debby Gass and published under licence from UCB International Copyright © 2024
