‘आज अनि सदासर्वदा परमप्रभुमा नै आशा राख ।’ —भजन १३१:३
दाऊदले भने, ‘आज अनि सदासर्वदा परमप्रभुमा नै आशा राख ¤’ जब तपाईं परिस्थिति आशाहीन छ भन्ने सोच्नुहुन्छ, तपाईंले परमेश्वरको निम्ति ढोका बन्द गर्नुहुन्छ । हामीमध्ये धेरैको लागि जबसम्म हामी स्वास्थ रहन्छौँ र भाडा तिर्ने रकम कहाँबाट आउँदैछ भन्ने कुरा थाहा पाउँछौँ, आशाले काम गर्दैन । यसकारण, पहिलोः तपाईंको सबैभन्दा बलियो इच्छा के हो भनी आफैँलाई सोध्नुहोस् । कल्पना गर्नुहोस् कि तपाईं असी वर्षको हुनुहुन्छ र पछाडि हेर्दैहुनुहुन्छ । के तपाईं सन्तुष्ट हुनुहुन्छ ? यदि होइन भने, आशालाग्दो जवाफ पाउन आफैँलाई चुनौती दिनुहोस् । आशा व्यक्तिगत हुनुपर्छ, तपाईंले पाउनुपर्छ भनी सोच्नुहुने प्रकारको कुरा मात्रै होइन । तपाईंले गर्नुहुने सबै कुरालाई शासन गर्नसक्ने गरी यो उत्कट जोशिलो हुनुपर्छ । दोस्रोः यसलाई एउटा प्रतीक दिनुहोस्– त्यस्तो कुनै थोक जसको वरिपरि तपाईंले आफ्नो विचार केन्द्रिकृत गर्न सक्नुहुन्छ । यर्मियाले अनातोतमा जमिन किनेर परमेश्वरका मानिसहरूलाई आशाको पाठ सिकाए (यर्मिया ३२:९ हेर्नुहोस्) । तिनीहरूलाई कैदमा लगिनेछ भन्ने उनलाई थाहा थियो अनि ती लामा वर्षहरूमा, यहूदाको टाढाको जमिनको सम्झनाले भविष्यको पुनस्र्थापनाको प्रतीकको रूपमा काम ग¥यो । दोस्रो विश्वयुद्धको क्रममा जब लियो अल्जिमास नामक मानिस र उनको परिवारलाई बन्दी शिविरमा राखिएको थियो, तिनीहरूले आशाको प्रतीकको रूपमा चकलेटको बक्सबाट एउटा सानो कागजको टुक्रालाई लिए जसमा अमेरिकी झण्डा अंकित थियो । तिनीहरूले त्यसलाई एक जनाको हातबाट अर्काको हातमा दिन्थे, त्यसलाई हेर्थे, त्यसलाई समात्थे, अनि तिनीहरूलाई छुटाउन आउँदै गरेको मुक्ति सेनाको बारेमा खुसुक्क बताउँथे । प्रतीकहरूले हामीलाई जे सम्भव छ त्यसमा हाम्रो मन स्थिर मदत गर्छन् । वास्तवमा, संसारले थाहा पाएको सबैभन्दा ठूलो प्रतीकमा विश्वास गर्न कठिन थियो । डुँडमा सुताइएका बालकले पृथ्वीमा परमेश्वरको राज्यको संकेत दिनुभयो अनि मानवजातिको नियति परिवर्तन गरिदिनुभयो । अनि उहाँले तपाईंको पनि नियति परिवर्तन गर्न सक्नुहुन्छ । यसकारण तपाईंले के आशा गर्नुहुन्छ निश्चित गर्नुहोस्, उहाँको नाममा माग्नुहोस्, अनि त्यो जतिसुकै असम्भव जस्तो देखिए तापनि, त्यो पूरा हुने अपेक्षा गर्नुहोस् ।
आत्मिक भोजनः एफिसी ५:२१–३३, श्रेष्ठगीत २:१–७ , भजन ४५, हितोपदेश ५:१५–१९
The Word for Today is authored by Bob and Debby Gass and published under licence from UCB International Copyright © 2024
