‘तिनको जेठो छोरो…रिसायो ’ —लूका १५:२५, २८
उडन्तापुत्र, घर आऊ उडन्ता पुत्रको दृष्टान्त दुई केटा र तिनीहरूप्रति तिनीहरूका बाबुको प्रेमाको बारेमा छ । कान्छोले आफ्नो बुबाको अपमान गर्यो र सुँगुरको खोरमा पुग्यो । जब ऊ घर फक्र्यो, उसले आफ्नो बाबुको माया बाहेक सबै थोक गुमाइसकेको थियो । तपाईं जोसुकै हुनुहोस् वा तपाईंले जेसुकै गर्नुभभएको होस्– परमेश्वरले तपाईंलाई प्रेम गर्नुहुन्छ र तपाईंलाई उहाँको परिवारमा चाहनुहुन्छ । येशूले एउटा अचम्मको कुरा बताउनुभयोः ‘त्यो धेरै टाढा छँदा त्यसका बाबुले त्यसलाई देखे, र तिनी दयाले भरिए, र दौडेर गई त्यसलाई अँगालो हालेर त्यसलाई चुम्बन गरे’ (पद १०) । प्राचीन हिब्रू संस्कृतिमा दौडनुचाहिँ वृद्ध पुरुषहरूको लागि अपमानजनक कार्य हो भन्ने ठानिन्थ्यो । पुरुषहरूले लामो पोशाक लगाउँथे, र दौडनको लागि त्यसलाई कम्मरतिर तानेर छोटो बनाउनुपथ्र्यो । तर यी बाबुले मानिसहरूले के सोच्छन् त्यसको वास्ता गरेनन् । उनले आफ्नो बरालिएको छोराको वास्ता गरे । दुर्भाग्यवश, उसको दाजुले त्यस्तो महसुस गरेन । के तपाईं बुझ्नुहुन्छ, किन धेरै भाइहरू अझै पनि पर सुँगुरको खोरतिर छन् र चर्चमा प्रवेश गर्न चाहँदैनन् ? किनकि उनीहरू डराउँछन् कि दाजुहरूले उनीहरूलाई प्रेमीलो हातले स्वागत गर्नुको सट्टा न्यायको तुच्छ हातले प्रहार गर्नेछन् । जेठो दाजुले सजाय चाहन्छ, तर बाबुले क्षमा दिन्छन् । जेठो दाजुले दोष लगाउन चाहन्छ, तर बाबुले अनुग्रह दिन्छन् । दाजु बदला चाहन्छ, तर बाबु मेलमिलाप चाहन्छन् । यहाँ शुभ खबर छः तपाईं जतिसुकै तल झर्नुभएको भए तापनि, यो कुरा थाहा पाउनुहोस् कि तपाईं फर्कनुहुँदा तपाईंले आफ्ना स्वर्गीय पितालाई खुल्ला हात र तपाईंप्रति प्रेमिलो ह्दय फैलाएर पर्खिरहनुभएको पाउनुहुनेछ ।यसकारण, आज प्रत्येक बरालिएको र उडन्ता पुत्रलाई यही निमन्त्रण छः आप्mना पिताको घर फर्कीआऊ
आत्मिक भोजनः रोमी १५–१६ यूहन्ना ११:१७–२७ भजन ८ हितोपदेश ३०:५–६
The Word for Today is authored by Bob and Debby Gass and published under licence from UCB International Copyright © 2024
