भोलिको धाक नलगा, किनभने एकै दिनमा के आइपर्ला भन्ने तँलाई थाहा हुँदैन ।’ -हितोपदेश २७ :१
अप्रत्याशित घटनाहरूले हामीलाई अचानक लडाइदिन सक्छन् । हामीमध्ये कोही तल झर्छौं र बाहिर जान्छौं, अरूहरू फिर्ता उठ्छन् र अगाडि बढ्छन् । तिनीहरूले हारलाई स्थायी रूपमा स्वीकार गर्न इन्कार गर्छन् । तिनीहरू त्यो मानिसजस्तै हुन् जसले भन्यो, म कहिल्यै तल हुन्न, म या त माथि छु, या त म उठ्दैछु ।’ तिनीहरूले जीवनमा घट्ने सबै कुरालाई सिक्ने अनुभवको रूपमा हेर्छन् । कुनै प्रियजन गुमाउनु पीडादायी कुरा हो, तर यो तपाईंको जीवनको हरेक दिनलाई पूणर् रूपमा बाँच्नको लागि जागृत गराउने कुरा पनि हुन सक्छ । जागिर गुमाउनु आघातपूणर् हुन सक्छ, तर यसले तपाईंसँग छन् भनी तपाईंलाई कहिल्यै थाहा नभएका प्रतिभा र क्षमताहरूलाई पनि बाहिर ल्याउन सक्छ । नराम्रो आदत हटाउन संघर्ष गर्दा तपाईंको जीवनलाई पुनः प्राथमिकता दिन र स्वस्थ बानीहरू स्थापित गर्न सकिन्छ । तपाईंले आपतकालीन समयका लागि रूपैयाँपैसा बचत गरेर, नयाँ उत्पादनहरू र प्रविधिहरूबारे कक्षाहरू लिएर, सहायताको लागि तपाईंले कसैलाई बोलाउँदा उसले स्वेच्छाले फोन उठाउनेछ भन्ने निश्चित गर्न आफ्ना सम्बन्ध र सम्पर्कहरूलाई अध्यावधिक गरेर खराब अवस्थाको लागि तयारी गर्न सक्नुहुन्छ । त्यसो गर्नु भनेको गाडीको टायरको हावा खुस्कियो भने त्यसलाई बदल्नको लागि गाडीमा अर्को टायर र औजारहरू राख्नु जस्तै हो । तपाईंले ती सामाग्री उपयोग गर्नु नपरोस् भन्ने आशा त गर्नुहुन्छ, तर तपाईं सडकमा रोकिनुभयो भने तिनीहरूलाई प्रयोग गर्न तयारी अवस्थामा राख्नुहुन्छ । सबैभन्दा महत्त्वपूणर् कुरा, परमेश्वरसँगको आफ्नो सम्बन्धलाई ठिक राख्नुहोस् त्त् यदि परमप्रभुलाई मानिसको मार्ग मन पर्यो भने उहाँले त्यसका पाइला दह्रिला पार्नुहुन्छ । त्यसलाई ठेस लाग्यो भने पनि त्यो लोट्दैन, किनकि परमप्रभुले आफ्नो हातले समातेर त्यसलाई थाम्नुहुन्छ’ (भजन ३७ :२३-२४) ।यसकारण उत्तमको लागि योजना बनाएर सबैभन्दा खराबको लागि समेत तयार रहनु बुद्धिमानी हुन्छ ।
आत्मिक भोजनः नहेम्याह ५-७ लूका २१ :२५-३८ भजन ७८ :३२-३९ हितोपदेश २३ :२९-३५
The Word for Today is authored by Bob and Debby Gass and published under licence from UCB International Copyright © 2024
