‘तपाईंले मलाई…रच्नुभयो…म भयानक र अद्भूत रीतिले बनाइएको छु ।’ —भजन १३९:१३–१४
तपाईंका छोराछोरीलाई फस्टाउन र आत्मसम्मान प्राप्त गर्नको लागि तिनीहरूले चार वटा कुरा बुझ्नुपर्छः १) परमेश्वरले उनीहरूको बारेमा कस्तो महसुस गर्नुहुन्छ । भजनकार भन्छन्, ‘उहाँको प्रेम अनन्त कालसम्म रहिरहन्छ’ (भजन १३६:१) । तपाईंको बालबालिकाको आत्मिक विकास र परमेश्वरसँग उनीहरूको सम्बन्धको लागि यो कुरा जान्नु अति आवश्यक छ । २) तपाईंले उनीहरूको बारेमा कस्तो महसुस गर्नुहुन्छ । त्यसकारण, उनीहरूलाई थाहा दिनुहोस् कि तपाईंले उनीहरूलाई अनुशासन गर्नु भएतापनि, तपाईंले उनीहरूलाई कहिल्यै इन्कार गर्नुहुने छैन । ३) उनीहरूले आफ्नो बारेमा कस्तो महसुस गर्छन् । हुर्कनुको सबैभन्दा पीडादायी पाटो भनेको आजका किशोर किशोरीहरूका माझमा लगभग विश्वव्यापी बनेको आत्मसम्मानमाथिको प्रहार नै हो । जीवनमा सुरुआत गर्ने मौका पाउनुअगि नै उनीहरूले प्रायः मूर्ख र असफल महसुस गर्छन् । उनीहरूलाई बताउनुहोस् कि उनीहरू अत्यन्तै ठूलो सम्भावना भएका निर्माणाधीन व्यक्ति हुन् । ‘तपाईंले मलाई मेरी आमाको गर्भमा रच्नुभयो…म भयानक र अद्भुत रीतिले बनाइएको छु’ (भजन १३९:१३–१४) । उनीहरूलाई उनीहरूको ईश्वर–प्रदत्त वरदानहरू पत्ता लगाउन र तिनको विकास गर्न मदत गर्नुहोस् – इलेक्ट्रोनिक्स, कला, संगीत, वा खेतीपाती जस्ता आय आर्जनका कुनै काम समेत । कुनै पनि पेशा, काम वा कला ¤ तपाईंले आफ्नो बच्चालाई के सिकाउनुहुन्छ त्यो त्यति महत्वपूर्ण छैन । मुख्य कुरा यो हो कि उनीहरूले केही सिकिरहेका छन् जसमार्फत उनीहरूले सारा संसारले ‘तिमी को हौ, र तिम्रो महत्व के छ ?’ भनी प्रश्न गरेजस्तो लाग्दा त्यसको सामना गर्न सकून् । यी प्रश्नहरूको जवाफ नभएका किशोर किशोरीहरू जीवनका अत्यन्तै कमजोर समयमा असुरक्षित छोडिन्छन् । त्यसकारण, यस्ता क्षण्हरूको सामना गर्ने सीपहरूको विकास र प्रवद्र्धन गर्नु एक अभिभावकको रूपमा तपाईंले गर्न सक्ने सबैभन्दा बहुमूल्य योगदान हुनसक्छ ।४) उनीहरूका मित्रहरूले उनीहरूकोबारेमा कस्तो महसुस गर्छन् । यदि तिनीहरूले तपाईंका छोराछोरीलाई समर्थन गर्छन् भने, ठिकै छ । तर गर्दैनन् भने पनि, यदि तपाईंले पहिला तीन वटा कुराहरू सही रूपमा गर्नुभएको छ भने, तपाईंका बालबालिका सफल बन्नेछन् ।जीवनका उतारचढावका लागि बालबालिकालाई तयार पार्नु निकै महत्वपूर्ण छ ।
आत्मिक भोजनः दानिएल ११–१२ मत्ती ८:१०–१७ भजन ८९:३८–५२ हितोपदेश ३:१–२
The Word for Today is authored by Bob and Debby Gass and published under licence from UCB International Copyright © 2024
