तपाईंले मलाई उद्धारका गीतले घेर्नुहुन्छ ।’ -भजन ३२ :७
भजनकारले लेखेका छन्, तपाईं मेरो आश्रय हुनुहुन्छ, तपाईंले मलाई दुःखबाट रक्षा गर्नुहुन्छ । तपाईंले मलाई उद्धारका गीतले घेर्नुहुन्छ ।’ जब समस्या आउँछ, तपाईं परमेश्वरतर्फ फर्कन सक्नुहुन्छ र उहाँमा लुक्न सक्नुहुन्छ । कसरी? उद्धारका गीतले आफैलाई घेरेर । रुथ वार्ड हेफ्लिनलनले हामीलाई परमेश्वरको उपस्थितिभित्र प्रवेश गर्ने मार्गचित्र दिएकी छिन्, आराधनाको आत्मा नआएसम्म तपाईंले प्रशंसा गर्नुहुन्छ, महिमा नआएसम्म तपाईंले आराधना गर्नुहुन्छ, त्यसपछि तपाईं महिमामा खडा हुनुहुनेछ ।’ अनि त्यहाँ , सबै थोक सम्भव छ ।’ परमेश्वरले यर्मियालाई भन्नुभयो, मेरो वचन पूरा भएको होस् भनेर म नियालेर हेरिरहेको छु । ( यर्मिया १ :१२) । यसमा उहाँको त्यो वचन समावेश हुन्छ जब त्यो संगीतमा लिपिबद्ध गरिन्छ । परमेश्वरले राजा शाऊललाई निराशाको पकडमा राख्ने आत्माहरूबाट छुटकारा दिन प्रयोग गर्नुभएको विणा त्यही थियो जुन विणा दाऊदले पहाडहरूमा आफ्ना भेडाहरू चराउँदा परमेश्वरको आराधना गर्न प्रयोग गर्थे । परमेश्वरले आश्चर्यकर्म गराउनको लागि संगीतकारलाई प्रयोग गर्नुभएको त्यो एउटा मात्रै समय थिएन । जब यूदाका मानिसहरू खडेरीको कारण लोप भए, एलीशा, अगमवक्ताले भने, “तर अब एक जना वीणा बजाउनेलाई मेरो निम्ति ल्याऊ ।” जब वीणा बजाउनेले बजाइरहेको थियो, तब परमप्रभुको हात एलीशामाथि पर्यो, र तिनले भने, “परमप्रभु यसो भन्नुहुन्छः यो बेँसीमा खाल्डै-खाल्डा बनाओ”’ (२ राजा ३ :१५-१६) । परमेश्वरले ती प्रत्येक खाडललाई पानीले भरिदिनुभयो र तिनीहरूलाई तिनीहरूका शत्रुहरूमाथि शानदार विजय दिनुभयो । गायिका जुली टु भन्छिन्ः ’आत्मिक तहमा, संगीतले हाम्रो दिमागलाई पार गर्छ र सिधै हाम्रो ह्दय, प्राण र आत्मामा जान्छ । यसले अरू कुनै पनि ठाउँमा पुग्न नसक्ने ठाउँहरूलाई छुन्छ…आराधनाले स्वर्गको ढोका खोल्छ र परमेश्वरको ह्दयलाई उत्प्रेरित गर्छ ।’यसरी परमेश्वरका उद्धारका गीत गाउनुमा ठूलो आशिष् छ ।
आत्मिक भोजनः यहोशू १-४ लूका १९ :१-१० भजन ८४ हितोपदेश २२ :२४-२६
The Word for Today is authored by Bob and Debby Gass and published under licence from UCB International Copyright © 2024
