‘हामी परमेश्वरमा जिउँदा प्रेम हामीमा सिद्ध भएको हुन्छ ।’ —१ यूहन्ना ४:१७
आजको संस्कृतिमा, ‘प्रेम’ शब्दको अर्थ विभिन्न व्यक्तिहरूको लागि फरक कुरा हुन्छ । तपाईंले आफ्नो पति वा पत्नी, आफ्नो देश, आफ्नो कुकुर, आफ्नो नयाँ मोबाइल फोन र आफ्नो कारलाई प्रेम गर्न सक्नुहुन्छ । तर तपाईंले आफ्नो पति वा पत्नीलाई त्यसरी प्रेम गर्नुहुन्न जसरी तपाईं आफ्नो मोबाइल फोन वा कारलाई प्रेम गर्नुहुन्छ, होइन त ? टेलिभिजन र रंगिन पत्रिकामा देखाइने प्रकारको प्रेम जहाँ तपाईं हल्का रूपमै प्रेममा पर्नु हुन्छ र त्यागिदिनुहुन्छ, त्यो वास्तविक प्रेम होइन, त्यो स्वार्थ र अपरिपक्वता हो । बाइबलको शब्द अगापे प्रेम (परमेश्वरको प्रेम) ले एक शर्तरहित प्रतिबद्धतालाई जनाउँछ जुन अपरिवर्तनीय निर्णयमा जरा गडेको हुन्छ । यसले सधैँ दिन्छ अनि चाहे प्रेमको बदलामा हामीलाई प्रेम गरियोस् या नगरियोस्, यो परिवर्तन हुँदैन । यो त अर्को व्यक्तिको उत्तम हित खोज्नको लागि तपाईंको ह्दयको निर्णय हो, चाहे तिनीहरूले जसरी प्रतिक्रिया देउन् । किंग जेम्स बाइबलका अनुवादकहरूले अगापे भनिने ग्रीक शब्दको अर्थ समेट्ने क्रममा ‘प्रेम’ अर्थ दिने शब्द प्रयोग गर्नुको साथसाथै त्यसलाई लिपिरूपान्तर गर्नका लागि तिनीहरूले प्रायः ‘च्यारिटी’ शब्द पनि रोजे । त्यसो गर्नुको आशयचाहिँ प्रेम एक निःस्वार्थ, बिनाशर्त दिने काम हो भन्ने अवधारणामा जोड दिनु थियो । अनि यस्तो प्रेमले प्रेम गरिएको व्यक्तिप्रति दया, आदर र बफादारी जनाउँछ । ‘यसरी हामीप्रति भएको परमेश्वरको प्रेम हामी जान्दछौँ र विश्वास गर्छौं । परमेश्वर प्रेम हुनुहुँछ, र जो प्रेममा रहन्छ त्यो परमेश्वरमा रहन्छ, र परमेश्वर उसमा रहनुहुन्छ । न्यायको दिनको निम्ति हामी पूर्ण भरोसासाथ बस्न सकौं भनेर प्रेम यसैमा हामीमा सिद्ध भएको हुन्छ । किनकि उहाँ जस्तो हुनुहुन्छ हामी पनि यस संसारमा त्यस्तै छँैं’ (पद १६–१७) । जब हामी हाम्रा भिन्नताहरूमाथि विजयी बन्न सक्छौँ, जब हामी सम्प्रदाय, जाति र संस्कृतिका रेखाहरू पार गर्न सक्छौँ र एकअर्कालाई साँच्चै प्रेम गर्न सक्छौँ, संसार ख्रीष्टतर्फ खिचिन्छ र यसले हामीले के भन्छौँ त्यसमा ध्यान दिन्छ (हेर्नुहोस् यूहन्ना १३:३५) ।यसकारण हामीलाई संसारबाट अलग राख्ने कुरा हाम्रो बोली होइन तर एकअर्काप्रतिको हाम्रो प्रेम हो ।
आत्मिक भोजनः लेवी १५–१७ मत्ती ५:१–१२ भजन ४६ हितोपदेश १:३२–३३
The Word for Today is authored by Bob and Debby Gass and published under licence from UCB International Copyright © 2024
