’स्वर्गका परमेश्वरले हामीलाई सफल तुल्याउनुहुनेछ । हामी उहाँका दासहरू पुनर्निर्माणको काम सुरु गर्दैछौं ।’ —नहेम्याह २:२०
आफ्ना पर्खालहरू भत्काइएपछि यरूशलेम आफ्ना शत्रुहरूबाट असुरक्षित बनेको थियो । त्यसैकारण, नेहेम्याहले त्यसका पर्खालहरू पुनर्निर्माण गर्न एउटा टोली भेला गरे । यो कामका लागि उनले कुनै तालिम लिएका थिएनन् । उनी वास्तुकार वा निर्माणकर्ता थिएनन् । यरूशलेम धेरै टाढा थियो, र उनी कहिल्यै त्यहाँ गएका पनि थिएनन् । जसरी हेर्दा पनि उनी त्यो कामको लागि अयोग्य थिए । परमेश्वरले उल्लेखनीय तरिकामा प्रयोग गर्नुभएका धेरै मानिसहरूमा त्यो एउटा साझा गुण हो । नोआ एक किसान थिए जसलाई मरुभूमिमा डुंगा बनाउन बोलाइयो । दाऊद एक गोठाला थिए, जसलाई पलिश्ती नायकलाई पराजित गर्न बोलाइएको थियो । नहेम्याह राजाको मद्य टक्र्याउने व्यक्ति थिए, जसलाई यरूशलेमका पर्खालहरू पुनर्निर्माण गर्न बोलाइएको थियो । परमेश्वरको इच्छा पूरा गर्ने सन्दर्भमा, हामीले योगदान गर्न सक्ने कुनै पनि मानवीय क्षमताभन्दा परमेश्वरद्वारा निर्देशित जोश धेरै महत्त्वपूर्ण हुन्छ । वास्तवमा, परमेश्वरले हामीलाई हाम्रो सबैभन्दा ठूलो अक्षमताको बिन्दुमा प्रयोग गर्नुहुन्छ । यसरी उहाँले सबै श्रेय प्राप्त गर्नुहुन्छ । तर यो कुरा बुझ्नुहोस्ः जब परमेश्वरले तपाईंलाई ‘बोझ’ वा ‘जोश’ वा ‘दर्शन’ दिनुहुन्छ, तपाईंसँग छनोट गर्ने विकल्प हुन्छ । नहेम्याहसँग पहिले नै राम्रो जागिर थियो । राजाको मद्य टक्र्याउने व्यक्ति हुनु भनेको तिनको दाहिने हात हुनु जस्तै थियो । उनको जागिर मात्रै सुरक्षित थिएन, उनले आफ्नो पदका सुविधाहरू र विशेषाधिकारहरूको लाभ समेत पाउँथे । उनी जहाँ थिए त्यहीँ बस्न सहज हुन्थ्यो । तर यदि उनले त्यसो गर्न रोजेका भए, उनले परमेश्वरको इच्छा गुमाउने थिए, बाइबलमा उनको नाममा एउटा पुस्तक हुने थिएन, अनि तपाईंले अहिले उनको बारेमा पढिरहनुभएको हुने थिएन । के तपाईं अयोग्य महसुस गर्दैहुनुहुन्छ ? जब परमेश्वरले तपाईंलाई बोलाउनुहुन्छ, उहाँले तपाईंलाई सुसज्जित गर्नुहुन्छ, तपाईंलाई स्रोतसाधनहरू उपलब्ध गराउनुहुन्छ, तपाईंलाई मार्गदर्शन गर्नुहुन्छ, र तपाईंको सफलताको निश्चयता दिनुहुन्छ ।यसकारण, आफ्नैक्षमताको आधारमा आपूmलाई अयोग्य नठान्नुहोस् ।
आत्मिक भोजनः उत्पत्ति ४०–४१ यूहन्ना १८:१–१८ भजन १४७:१२–२० उपदेशक ४:९–१२
The Word for Today is authored by Bob and Debby Gass and published under licence from UCB International Copyright © 2024
