‘तिमीहरू आनन्दसाथ जानेछौ, र शान्तिमा डो¥याइनेछौ ।’ —यशैया ५५:१२
तनावसँग व्यवहार गर्नका लागि तीन वटा सिद्ध र प्रभावकारी रणनीतिहरू हेरौँ । (१) आफूलाई रआफ्नो दैनिक कार्य सूचीमा राखेर हेर्नुहोस् । नवीकरण हुन, पुनव्र्यवस्थित हुन र पुनस्र्थापित हुनको लागि दिनको दुई पटक पन्ध्र मिनेट समय तोक्नुहोस् । तनावको स्रोतबाट आफूलाई टाढा राख्नुहोस् चाहे त्यसको लागि केही मिनेट बाहिर निस्कनु र तपाईंको दिमागलाई ताजा बनाउनको लागि यसो छोटो हिँडाइमा जानु नै किन नपरोस् । आफ्नो मनपर्ने गीत गाउनुहोस् वा आपूmलाई शान्त बन्न मदत गर्ने जुनसुकै क्रियाकलाप गर्नुहोस् । र अन्य घटनाहरूले तपाईंलाई व्यस्त बनाउने जोखिम हुँदा दृढ रहनुहोस् । तपाईं महत्वपूर्ण हुनुहुन्छ– आफैलाई मूल्यवान् ठानेर व्यवहार गर्न सिक्नुहोस् । (२) खुशी हुनुहोस् ¤ बाइबलले भन्दछ, ‘परमप्रभुको आनन्द नै तिमीहरूकोे बल हो’ (नेहेम्याह ८:१०), अनि जब तपाईंको आनन्द गुम्छ, तपाईंको शक्ति र सामना गर्ने क्षमता पनि गुम्छ । केही मानिसहरू सोच्छन् कि ख्रीष्टियनहरू सधैँ गम्भीर, हाँसोविहीन र चिहान जस्तै शान्त हुनुपर्छ । तर येशू चिहानबाट बौरी उठ्नुभयो– र त्यो उत्सव मनाउनका लागि संसारमा पाइने सबैभन्दा उत्तम कारणहरूमध्ये एक हो । (३) दिनभरिमा पाँच–मिनेटका तनाव हटाउने अभ्यासका साथ तपाईंका कडा मांसपेशीहरूलाई विश्राम दिनुहोस् । सोच्न छोड्नुहोस् र हिँडडुल गर्नुहोस् ¤ जिउ तन्काउनुहोस्, निहुरिनुुहोस्, आफ्नो तनावपूर्ण काँधहरू यताउता घुमाउनुहोस्, कुकुरको पछि दौडनुुहोस्— तपाईंको दिमागले एक सानो विश्राम लिँदा तपाईंको शरीरभरि पुनर्ताजगी दिने रगत बहन दिनुहोस् । भ्याकुम क्लिनर चलाउँदै घरको काम गर्दा प्रशंसाको संगीत र यताउता सर्ने नृत्य सुरु गर्नुहोस्…स्टोभमा खाना पकाउँदा त्यस्तै मिल्ने नृत्य गर्नुहोस्… अनि किराना पसलतिर सामान किनमेल गर्दा अलि छिटोछरितो प्रकारको चालमा नाच्नुहोस् ¤ शारीरिक क्रियाकलापले तपाईंको मस्तिष्कलाई बेटा–एन्डोर्फिन नामक हर्मोन निस्कासन गर्न सक्रिय बनाउँछ, जसले तपाईंलाई शान्त बन्न मदत गर्छ । तपाईं तनावमा जिउनका लागि सृष्टि गरिनुभएको थिएन । बाइबलले भन्दछ, ‘तिमीहरू आनन्दसाथ जानेछौ र शान्तिमा डो¥याइनेछौ ।’ अनि त्यो सिधै उहाँको मुखबाट आएको वचन हो जसले तपाईंलाई सृष्टि गर्नुभयो र उद्धार गर्नुभयो ।
आत्मिक भोजनः मत्ती ५:३ लूका १८:९–१४ यशैया ५७:१४–२१ २ शमूएल ७:१८–२९
The Word for Today is authored by Bob and Debby Gass and published under licence from UCB International Copyright © 2024
