के तपाईं सेवानिवृत्तिको बारेमा चिन्तित हुनुहुन्छ ?

‘फिक्री नगर…यी सबै थोक तिमीहरूका निम्ति थपिनेछन् ।’ —मत्ती ६:३१, ३३

पचास वर्षभन्दा माथिका अमेरिकीहरूबारे एउटा सर्वेक्षण गरिएको थियो, अनि तिनीहरूमध्ये आधाको सेवानिवृत्ति कोषमा तीस हजार डलरभन्दा कम थियो । हामी सबै लामो समय बाँचिरहेका छौं, यसको अर्थ (क) धेरै मानिसहरू जिउनको लागि सरकारमा निर्भर हुनेछन्, र (ख) सेवानिवृत्त हुने योजना बनाएका धेरै मानिसहरूले पछिसम्म पनि काम गरिरहनुपर्नेछ । अनि यो अमेरिकाको मात्रै समस्या होइन, यो विश्वव्यापी समस्या हो । त्यसोभए, तपाईंले के गर्नुपर्छ ? (१) आफूले सक्ने ठाउँमा खर्च कटौती गर्नुहोस् र थप बचत सुरु गर्नुहोस् । ‘बुद्धिमान् मानिसको घरमा उत्तम भोजन र तेल मौजूद हुन्छ, तर मूर्ख मानिसले आफूसँग भएको सबै उडाउँछ’ (हितोपदेश २१:२०) । (२) तपाईं अहिले कस्तो अवस्थामा हुनुहुन्छ, अनि सेवानिवृत्तिको समयमा हुने आय र व्ययको सम्भाव्य स्तरको मूल्यांकन गर्न मदत गर्न एक वित्तीय योजनाकार पत्ता लागउनुहोस् । यसरी तपाईंले आफ्नो वित्तीय लक्ष्यहरूको निम्ति उपयुक्त योजना बनाउन सक्नुहुन्छ । ‘धर्मी मानिसको घरमा प्रशस्त धन हुन्छ तर दुष्ट मानिसको कमाइले दुःख ल्याउँछ’ (हितोपदेश १५:६) । (३) आफ्नो आर्थिक स्रोतद्वारा परमेश्वरको आदर गर्नुहोस् । ‘आफ्नो धन–सम्पत्ति र आफ्ना सबै उब्जनीको अगौटे फलले परमप्रभुको आदर गर्, तब तेरा ढुकुटीहरू पोखुन्जेल भरिनेछन्, र तेरा भाँडाहरू नयाँ मद्यले चुलिएर पोखिनेछन्’ (हितोपदेश ३:९–१०) । दशांशले परमेश्वरको आशिष् ल्याउँछ ¤ (४) परमेश्वरले तपाईंको वास्ता गर्नुहुन्छ भनी उहाँमा भरोसा राख्नुहोस् । ‘“के खाऔंला?” कि “के पिऔंला?” कि “के पहिरौंला?” भनेर फिक्री नगर । किनकि अन्यजातिहरूले यी सब थोक खोज्दछन्, र तिमीहरूका स्वर्गमा हुनुहुने पिताले तिमीहरूलाई यी सबै थोकको खाँचो छ भनी जान्नुहुन्छँ। तर पहिले उहाँको राज्य र उहाँका धार्मिकताको खोजी गर, र यी सबै थोक तिमीहरूका निम्ति थपिनेछन् । यसकारण भोलिको निम्ति फिक्री नगर’ (मत्ती ६:३१–३४) । यसकारण, निष्कर्ष यही होः आफ्नो जीवनका उत्तरार्धका बारेमा तपाईंले परमेश्वरमा भरोसा राख्न सक्न्ुहुन्छ ।

आत्मिक भोजनः गलाती १–३ मर्कूस १२:१–१२ भजन १२८ हितोपदेश १३:१७–१९

The Word for Today is authored by Bob and Debby Gass and published under licence from UCB International Copyright © 2024