‘तिनलाई प्रभुले दर्शनमा भन्नुभयो, “ए हननिया ।” तिनले भने, “प्रभु, हाजिर छु ।”’ —प्रेरित ९:१०
टार्ससका शाऊललाई ख्रीष्टमा डो¥याउन परमेश्वरले हननियालाई किन प्रयोग गर्नुभयो ? किनभने उनी सही ठाउँमा, सही समयमा, सही सन्देश र सही मनोवृत्तिको साथ सही मानिस थिए । ‘दमस्कसमा हननिया नाउँ भएका एक जना चेला थिए । तिनलाई प्रभुले दर्शनमा भन्नुभयो, “ए हननिया ।” तिनले भने, “प्रभु, हाजिर छु ।” तब प्रभुले तिनलाई भन्नुभयो, “उठ, र सीधा नामक गल्लीमा जाऊ, र त्यहाँ यहूदाको घरमा शाऊल नाउँ भएका टार्सस–निवासीलाई खोज, किनकि तिनी प्रार्थना गरिरहेका छन् ।” तब हननिया गएर त्यस घरभित्र पसे, र तिनीमाथि आप्mना हात राखेर भने, “भाइ शाऊल”’ (पद१–११, १७) । त्यसकारण प्रश्न यहाँ छः यदि उहाँको लागि केही गर्न परमेश्वरलाई तपाईंको खाँचो प¥यो भने, के तपाईं तयार हुनुहुन्छ ? तपाईं इच्छुक हुनुहुनेछ ? यो कुनै सजिलो जिम्मेवारी थिएन किनभने शाऊल ख्रीष्टियनहरूलाई कैद गरेको र हत्या गरेको कारण कुख्यात थिए । तर जब परमेश्वरले हननियालाई ‘जाऊ, किनकि अन्यजातिहरू, राजाहरू र इस्राएलका सन्तानका सामुन्ने मेरो नाउँ प्रचार गर्न तिनी छानिएका मेरा एक पात्र हुन्’ (पद १५) भन्नुभयो, तिनले परमेश्वरमा भरोसा राखे र गए । यहाँ, ‘तिनीमाथि आप्mना हात राखेर भने, “भाइ शाऊलभन्ने शब्दहरूमा ध्यान दिनुहोस्। । हननियालाई शाऊलसँग डराउने र उनलाई घृणा गर्ने अधिकार थियो । तापनि तिनले उनलाई भाइ भने । हननियाले पुरानो शत्रुलाई अहिले परमेश्वरको उद्धार गरिएको परिवारको हिस्सा भएको स्वीकार गरे । अनि तपाईंले त्यो गर्न पनि सिक्नुपर्छ । जब परमेश्वरले कसैलाई आफ्नो सन्तान भन्नुहुन्छ, तपाईंले तिनीहरूलाई प्रेम गर्नुपर्छ, तिनीहरूलाई स्वीकार गर्नुपर्छ, र तिनीहरूलाई ख्रीष्टमा आफ्नोभाइ वा बहिनीको रूपमा व्यवहार गर्नुपर्छ । त्यसकारण हामी सुरुको प्रश्नमा फर्कौंः यदि आज उहाँको लागि केही गर्न परमेश्वरलाई तपाईंको खाँचो प¥यो भने, के तपाईं तयार हुनुहुन्छ ?तपाईं उहाँको लागि तयार हुन सक्नुहुन्छ र तपाईं तयार हुनु आवश्यक पनि छ ।
आत्मिक भोजनः २ इतिहास १६–१८ लूका १६:१–१८ भजन ११९:१०५–११२ हितोपदेश २१:२८–३१
The Word for Today is authored by Bob and Debby Gass and published under licence from UCB International Copyright © 2024
