‘एक–अर्काप्रति कोमल मनका र दयालु होओ ।’ —एफिसी ४:३२
अत्याधिक बिक्री भएको पुस्तक अत्यन्तै सफल मानिसहरूका ७ वटा आदतका लेखक स्टेफेन कोवेले न्यूयोर्कको सबवे (सडकमुनिको बाटो)मा आपूmले भोगेको अनुभवको वर्णन गरेका छन् । एक जना मानिस र तिनका छोराछोरीहरू ट्रेनमा चढे, र बच्चाहरू यति चर्को स्वर गर्ने र अनियन्त्रित थिए, तिनीहरूले पूरै रेललाई बाधा सृजना गरिदिए । त्यो परिस्थितिबारे बेखबर त्यो मानिस कोवेको छेउमा बस्यो । अन्त्यमा कोवेले भने, ‘महाशय, तपाईंको बच्चाहरूले धेरै मानिसहरूलाई बाधा दिइरहेका छन् । तपाईंले तिनीहरूलाई अलि बढी नियन्त्रण गर्न सक्नुहुन्थ्यो कि ? त्यो मान्छे चकित देखिन्थ्यो । त्यसपछि उसले भन्यो, ‘अहो, तपाईंले सही भन्नुभयो । मलाई लाग्छ कि मैले यसको बारेमा केही गर्नुपर्छ । हामी भर्खरै अस्पतालबाट आएका हौं जहाँ करिब एक घण्टा अगि उनीहरूकी आमाको मृत्यु भयो । के सोच्ने मलाई थाहा छैन, र मलाई लाग्छ यसलाई कसरी सम्हाल्ने उनीहरूलाई पनि थाहा छैन ।’ कोवेको धारणा तुरुन्तै परिवर्तन भयो । यसलाई पछि फर्केर हेर्दा, उनले स्वीकार गरे कि उनले एक बहुमूल्य पाठ सिकेः अरूबाट बुझिन खोज्नुअगि अरूलाई बुझ्न खोज्नुपर्छ । कहिलेकहीँ हामीलाई रिस उठाउने र चोट पु¥याउने मानिसहरूले त्यसो गर्छन् किनभने तिनीहरू आफै पीडामा छन् । तिनीहरूले त्यस्ता समस्याहरूको सामना गरिरहेका छन् जसको बारेमा हामीलाई थाहा छैन । अनि तिनीहरूले प्रहार गर्नुचाहिँ व्यक्तिगत निराशाको बाँध फुट्नु मात्रै हो । यसका लागि तिनीहरूका वचन र कार्यहरूभन्दा परसम्म हेर्नु अनि तिनीहरूको ह्दय हेर्न प्रयास गर्नुपर्छ र यसो गर्न कठिन हुन्छ जब तपाईं आफ्नैबारेमा केन्द्रित हुनुहुन्छ । बाइबलले यसलाई यसरी सम्बोधन गर्छः ‘सबै तीतोपना, क्रोध र रीस, होहल्ला र निन्दा, सबै किसिमका डाहसमेत तिमीहरूले त्यागिदेओ । जसरी परमेश्वरले ख्रीष्टमा तिमीहरूलाई क्षमा गर्नुभयो, त्यसरी नै एउटाले अर्कालाई क्षमा गरेर तिमीहरू एक–अर्काप्रति कोमल मनका र दयालु होओ’ (पद ३१–३२) । तपाईं जोसँग बस्नुहुन्छ र काम गर्नुहुन्छ, तिनीहरूप्रति तपाईं ठुस्किने गर्नुभएको छ भने, तपाईंको लागि आजको वचन होः कोमल ह्दयको व्यक्ति बन्ने अभ्यास गर्नुहोस् ।
आत्मिक भोजनः अ्ययूब ११–१४ लूका १:२६–३८ भजन ६७ उपदेशक ७:१९–२२
The Word for Today is authored by Bob and Debby Gass and published under licence from UCB International Copyright © 2024
