‘किनभने पिताले पुत्रलाई प्रेम गर्नुहुन्छ, र उहाँ आफैले गरिरहनुभएका सबै काम पुत्रलाई देखाउनुहुन्छ ।’ —यूहन्ना ५:२०
यी तीन वटा कुराले आफ्ना पितासँग येशूको सम्बन्धलाई परिभाषित गर्छन, अनि तिनीहरू तपाईंले परमेश्वरसँग निर्माण गर्न आवश्यक पर्ने सम्बन्धका खाका वा नमूना पनि हुन्ः घनिष्ठता, निर्भरता, आज्ञाकारिता । पहिले घनिष्ठताको बारेमा विचार गरौं । येशूले भन्नुभयो, ‘किनभने पिताले पुत्रलाई प्रेम गर्नुहुन्छ, र उहाँ आफैले गरिरहनुभएका सबै काम पुत्रलाई देखाउनुहुन्छ ।’ तपाईंले आपूm लगायत आफ्ना भित्री विचार र रहस्यहरू त्यो व्यक्तिसँग मात्र प्रकट गर्नुहुन्छ जससँग तपाईं घनिष्ठ हुनुहुन्छ । अनि जब तपाईं परमेश्वरसँग घनिष्ठ बन्नुहुन्छ, उहाँले तपाईंलाई ती कुराहरू बताउनुहुनेछ जुन कुरा अरूबाट गोप्य छन् । दाऊदको सबैभन्दा ठूलो चाहना परमेश्वरलाई घनिष्ठ रूपमा चिन्नु थियो । भजन २५:४ मा उनले लेखेका छन्, ‘हे परमप्रभु, तपाईंको मार्ग मलाई देखाउनुहोस्, तपाईंको बाटोमा हिँड्न मलाई सिकाउनुहोस् ।’ त्यसपछि उनी यसो भन्छन्, ‘ परमप्रभुको भय मान्नेहरू (आदर गर्नेहरू) सँग उहाँको घनिष्ठता हुन्छ’ (पद १४) । परमेश्वरसँगको घनिष्ठ सम्बन्धमा तीन वटा कुरा समावेश हुन्छन्ः (क) चाहना । सत्यता यो हो कि तपाईं अहिले परमेश्वरको त्यति घनिष्ठ हुनुहुन्छ जति तपाईं बन्न चाहनुहुन्छ, अन्यथा यसो हुनको लागि तपाईंले आफ्ना प्राथमिकताहरूलाई पुन :व्यवस्थित गर्नुहुनेथियो । (ख) अनुशासन । यसको लागि हरेक दिन प्रार्थना र बाइबल पढाइमा परमेश्वरसँग एक्लै समय बिताउनुपर्छ । जब तपाईंले प्रार्थना गर्नुहुन्छ, तपाईंले परमेश्वरसँग कुरा गर्नुहुन्छ । जब तपाईंले बाइबल पढ्नुहुन्छ, परमेश्वर तपाईंसँग कुरा गर्नुहुन्छ । (ग) आनन्द । ‘परमप्रभुमा आनन्दित होऊ, र उहाँले तिम्रो मनोरथ पूर्ण गर्नुहुनेछ’ (भजन ३७:४) । जब तपाईं परमप्रभुमा आनन्दित बन्नुहुन्छ तब केही अद्भुत हुन्छ । उहाँका चाहनाहरू तपाईंको ह्दयका चाहनाहरू बन्छन्, त्यसैले उहाँले तिनीहरूको बारेमा तपाईंलाई भरोसा गर्न सक्नुहुन्छ । के तपाईं प्रभुसँग अझ घनिष्ठ सम्बन्ध चाहनुहुन्छ ? यदि तपाईं यसलाई लगावसहित खोज्न तयार हुनुहुन्छ भने, तपाईंले यसलाई प्राप्त गर्न सक्नुहुन्छ ।यसकारण आज परमेश्वरसँग घनिष्ठताको लागि प्रतबिद्ध बन्नुहोस् ।
आत्मिक भोजनः उत्पत्ति ४७–४९ यूहन्ना १९:२५–४२ भजन १५० उपदेशक ५:१०–१२
The Word for Today is authored by Bob and Debby Gass and published under licence from UCB International Copyright © 2024
