‘घरीघरी हप्की पाएर पनि कोही हठी नै भइरहन्छ भने, त्यो एक्कासी नास हुनेछ, सुध्रने अवसरै नरहने गरी ।’ —हितोपदेश २९:१
चेताउनीमा ध्यान दिनुहोस्अमेरिकी जलसेनाको एउटा पत्रिकामा, फ्र्यांक कोक नामका व्यक्तिले समुद्रमा भएको एउटा धेरै अनौठो जम्काभेटको बारेमा लेखेका थिए । भारी मौसममा एउटा युद्धक जहाज समुद्रमा अभ्यास गर्न आइरहेको थियो । सूर्यास्त भएको केही समयपछि नै जहाजको पहरेदारले टाढा एउटा प्रकाश देखिएको खबर दिए, यसकारण कप्तानले सिग्नलम्यान अर्थात् सन्देशवाहकलाई यस्तो सन्देश पठाउन लगाएः ‘हामी एउटै मार्गमा भएकाले हामी एकआपसमा ठोकिन सक्छौँ । तपाईंले आफ्नो मार्ग बिस डिग्रीले परिवर्तन गर्नुहोस् भनी म तपाईंलाई सल्लाह दिन्छु ।’ केही समयपछि एउटा सन्देश आयोः ‘बरु तपाईंले आफ्नो मार्ग परिवर्तन गर्नु बेस हुन्छ ।’ कप्तानले रिसाउँदै अर्को एउटा यस्तो सन्देश पठाउन आदेश दिएः ‘म कप्तान हुँ । तिमीले आफ्नो मार्ग बिस डिग्रीले परिवर्तन गर ।’ फेरि जवाफ आयोः ‘म त दोस्रो दर्जाको नाविक हुँ । तर तपाईंले आफ्नो मार्ग परिवर्तन गर्दा नै बेस होला ।’ अब त रिसले आगो भएका कप्तानले अन्तिम चेतावनी दिएः ‘म युद्धक जहाजमा छु तिम्रो मार्ग परिवर्तन गर ’ उताबाट जवाफ आयो, ‘म त लाइटहाउसमा छु ।’ तब ती कप्तानले आफ्नो मार्ग परिवर्तन गरे, कारण त्यो अर्कोतर्फबाट बोल्ने मानिस त पानी जहाजहरूलाई मार्गदर्शन गर्न खटिएको व्यक्ति पो रहेछ खतराको बारेमा तपाईंलाई चेताउनी दिने संकेतहरूलाई वेवास्ता गर्नु मूर्खता हो । यस्ता संकेतहरू विभिन्न रूपमा आउन सक्छन्ः स्वास्थ्य समस्याका लक्षणहरू, वैवाहिक जीवनमा लामो समयसम्म रहेका द्वन्द्वहरू, विद्रोही छोराछोरीहरू, अत्याधिक ऋण, आत्मालाई नष्ट गर्ने आदतहरू, तपाईंलाई अलमलमा पार्ने दबावहरू आदि । त्यो सूची बढिरहन्छ । तपाईं सफल, प्रभावशाली वा व्यस्त हुनुहुन्छ कि हुनुहुन्न भन्ने कुराको कुनै अर्थ छैन । परमेश्वरले तपाईंलाई चेताउनी र मार्ग परिवर्तन गर्ने आदेश दिनुहुँदा, तपाईं बुद्धिमान् हुनुहुन्छ भने तपाईंले वादविवाद गर्नुहुनेछैन । बरु तपाईंले झट्टै उहाँले भन्नुभएअनुसार गर्नुहुनेछ । के तपाईंको जीवनमा भएको कुनै गलत कुराको बारेमा परमेश्वरले तपाईंसँग व्यवहार गरिरहनुभएको छ, तर तपाईंले भने उहाँलाई अटेरी गरिरहनुभएको छ ?याद राख्नुहोस्ः तपाईं परमेश्वरबाट तर्केर जानुको सट्टा उहाँतर्फ फर्कनुहुन्छ भने तपाईंको निम्ति सबै कुरा असल भएर जानेछ ।
आत्मिक भोजनः प्रेरित ९:१–१९ २ कोरिन्थी ११:२१–३३ २ कोरिन्थी १२:७–१० प्रेरित १६:१६–४०
The Word for Today is authored by Bob and Debby Gass and published under licence from UCB International Copyright © 2024
