जब परमेश्वर देखापर्नुहुन्छ

हामीले सेवा गरेका परमेश्वरले हामीलाई यसबाट बचाउन सक्नुहुनेछ… तर हामीलाई उहाँले यसो नगर्नुभए तापनि… ।’ —दानिएल ३:१७–१८

जब परमेश्वर देखापर्नुहुन्छजब शद्रक, मेशक र अबेद–नेगोले नबूकदनेसरको नब्बे फुट अग्लो सुनको देवताको अगाडि झुक्न इन्कार गरे, उनले तिनीहरूलाई आगोको भट्टीमा हाल्ने धम्की दिए । तिनीहरूले उनलाई यसो भनेः ‘यदि हामीहरू दन्किरहेको आगोको भट्टीमा फालियौं भने, हामीले सेवा गरेका परमेश्वरले हामीलाई यसबाट बचाउन सक्नुहुनेछ र हजूरको हातबाट छुटकारा दिनुहुनेछ । तर हामीलाई उहाँले यसो नगर्नुभए तापनि,, हामी हजूरका देवताहरूको सेवा गर्नेछैनौं’ (पद १७–१८) । परमेश्वर कहिले देखापर्नुहुन्छ ? जब तपाईं यसो भन्नुहुन्छ, ‘परमेश्वर मलाई छुटकारा दिन सक्षम हुनुहुन्छ, तर यदि उहाँले मलाई छुटकारा दिनुभएन भने म पनि उहाँको सेवा गर्नेछु ।’ परमेश्वरले हामीलाई चाहिने कुराहरू उपलब्ध गराउनु सुन्दर कुरा हो । तापनि, परमेश्वरलाई साँच्चै प्रसन्न तुल्याउने विश्वासले यसो भन्छ, ‘तर यदि होइन भने पनि म परमेश्वरमा भरोसा गरिरहनेछु ।’ पत्रुसले यस्तो लेखेः ‘तिमीहरू यसैमा रमाउँछौ, यद्यपि अहिले थोरै समयको निम्ति तिमीहरूले विभिन्न किसिमका कष्ट भोग्नुपर्दछ । आगोबाट खारिने तर नष्ट भएर जाने सुनभन्दा पनि तिमीहरूको विश्वास मूल्यवान् छ । तिमीहरूको यो विश्वास साँचो प्रमाणित होस्, र येशू ख्रीष्ट प्रकट हुनुहुँदा प्रशंसा, महिमा र आदरको योग्य बनोस्’ (१ पत्रुस १:६–७) । र अर्को एउटा विचारः बाइबलले तीन जना हिब्रू ठिटाहरूले चौथो मानिसलाई आगोमा देखे भनेर भन्दैन । यसले भन्दछ कि नबूकदनेसरले चाहिँ उहाँलाई देखे, र तिनले उहाँलाई ‘देवताहरूको पुत्र’ भनी वर्णन गरे (दानिएल ३:२५) । त्यसकारण तपाईंलाई थाहा नभए तापनि, तपाईंको विश्वास, तपाईंको जीवन र गवाहीले तपाईंको वरपरका मानिसहरूलाई प्रभाव पारिहेको हुन्छ र परमेश्वरलाई महिमा ल्याइरहेको हुन्छ ।यसरी हाम्रो विश्वास र आज्ञाकारिताले परमेश्वरलाई हाम्रो पक्षमा प्रकट हुने र काम गर्ने अवसर दिन्छ भन्ने कुरा बुभ्mनुले हामीलाई साहस दिन्छ ।।

आत्मिक भोजनः उत्पत्ति १०–१२ यूहन्ना १३:१–१७ भजन ९५ हितोपदेश ३०:२९–३३

The Word for Today is authored by Bob and Debby Gass and published under licence from UCB International Copyright © 2024