‘परमेश्वरको दिव्य शक्तिद्वारा जीवन र भक्तिको निम्ति हामीलाई चाहिने प्रत्येक थोक उहाँले दिनुभएको छ ।’ —२ पत्रुस १:३
जीवनको दौडलाई सामथ्र्यवान भएर पूरा गर्ने संकल्प गर्नुहोस् परमेश्वरलाई पछ्याउनु भनेको उहाँले तपाईंलाई जे गर्न बोलाउनुभएको छ, त्यो पूरा गर्नु हो । राम्ररी सुरु गर्ने सबैले राम्ररी समाप्त गर्दैनन् । कुनै अगुवालाई नैतिक वा आर्थिक मुद्दाले पतन गराएको देख्द कहिलेकहीँ हामी स्तब्ध र दुःखी हुन्छौ । पावलले लेखेका छन्, ‘प्रिय वैद्य लूका र डेमासले पनि तिमीहरूलाई अभिवादन पठाएका छन्’ (कलस्सी ४:१४) । पछि, उनले लेखेका छन्, ‘डेमासले यस वर्तमान संसारलाई प्रेम गरी मलाई त्यागेको छ’ (२ तिमोथी ४:१०) । तपाईंको विरुद्धमा तीन वटा शक्ति खडा भएका छन्, र तिनीहरूले कहिल्यै हार मान्दैनन्ः संसार, शरीर र शैतान । संसारले तपाईंलाई यसको ढाँचामा ढाल्न कोसिस गर्नेछ, तपाईंको शारीरिक स्वभावले तपाईंलाई तल तान्ने प्रयत्न गर्नेछ, अनि शैतानले तपाईंलाई हराउन सबै उपाय र विधि प्रयोग गर्नेछ । पावल यी तीन वटा शक्तिबारे सचेत थिए यसकारण उनले भने, ‘म आफ्नो जीवनलाई कुनै मोलको र आफ्नो निम्ति प्रिय ठान्दिनँ । यति मात्र चाहन्छु, कि परमेश्वरका अनुग्रहको सुसमाचारको गवाही दिनलाई मेरो दौड र प्रभु येशूबाट मिलेको मेरो सेवा म पूरा गर्न सकूँ’ (प्रेरित २०:२४) । त्यसोभए, परमेश्वरले तपाईंलाई दिनुभएको जिम्मेवारी पूरा गर्ने अठोट गर्नुहोस् र यो काम गरिरहँदा प्रत्येक पल आनन्द लिनुहोस् । तपाईं कसरी बलियो रूपमा पूरा गर्न सक्नुहुन्छ ? ‘परमेश्वरको दिव्य शक्तिद्वारा जीवन र भक्तिको निम्ति हामीलाई चाहिने प्रत्येक थोक उहाँले दिनुभएको छ । यसैद्वारा उहाँले हामीलाई उहाँको अनमोल र महान् प्रतिज्ञाहरू दिनुभएको छ, कि यस संसारका कुइच्छाबाट आउने भ्रष्टताबाट उम्केर तिमीहरू ईश्वरीय स्वभावका सहभागी होओ’ (२ पत्रुस १:३–५ ।यसर्थ, परमेश्वरका प्रतिज्ञाहरूमा स्थिर रहेर यो जीवनको दौडलाई सामथ्र्यवान भएर पूरा गर्न संकल्प गर्नुहोस् ।
आत्मिक भोजनः रोमी ३:२१–६:२३ यूहन्ना १०:१–१० भजन १३३ हितोपदेश २९:१५–१८
The Word for Today is authored by Bob and Debby Gass and published under licence from UCB International Copyright © 2024
