तनावपूर्ण अवस्थामा पनि शान्त रहनुहोस्

‘उहाँले अझ बढी अनुग्रह दिनुहुन्छ ।’ —याकूब ४:६

द्वन्द्व उत्पन्न हुँदा तपाईंले ध्यानमा दिनुपर्ने तीन वटा महŒवपूर्ण सिद्धान्त यहाँ छन्ः (१) व्यक्तिलाई आक्रमण नगरी समस्या समाधान गर्नुहोस् । धर्मलाई लिएर कतिपय सबैभन्दा घिनलाग्दा व्यक्तिगत आक्रमणहरू भएका छन् । कस्तो लज्जाको कुरा ¤ हामीमध्ये कतिपय तर्कमा हार्नुभन्दा बरु सम्बन्ध तोड्न चाहन्छौँ । (२) कहिलेकहीँ अलग अलग बाटो लाग्नु असल हुन्छ । जब पावल र बर्नाबासले उनीहरूको अर्को मिसनरी यात्रामा मर्कूस भनिने यूहन्नालाई उनीहरूसँग यात्रामा लाने कि नलाने भन्ने विषयमा बहस गरे, ‘तिनीहरूका बिचमा यति ठूलो मतभेद भयो कि तिनीहरू एक–अर्काबाट छुट्टिए’ (प्रेरित १५:३९) । तर त्यो नै कथाको अन्त्य होइन । वास्तवमा, यसको परिणाम दुई वटा भिन्न सेवाकार्यको जन्म भयो । त्यसकारण, कृपालु बन्नुहोस् । अहिले जे भइरहेको छ त्यो वास्तवमा तपाईंलाई सेवकार्य र आशिष्को नयाँ क्षेत्रमा लैजाने परमेश्वरको तरिका हुन सक्छ । (३) याद गर्नुहोस् कि ‘फलामले फलामलाई उध्याउँछ’ (हितोपदेश २७:१७) । फलामले फलामलाई उध्याउँदा झिल्काहरू उड्छन् । तपाईंले किशोर किशोरीहरूको संगत गर्नुभएको छ भने, तपाईंले यो कुरा बुभ्mन सक्नुहुन्छ । तिनीहरू तपाईंलाई चुनौती दिने र तपाईंलाई इमान्दार राख्ने मौलिक र अनौठा विचारहरू ल्याउन सिपालु हुन्छन् । एक वृद्ध क्वेकर (जर्ज फक्सले ब्रिटेनमा सत्रौँ शताब्दीमा सुरुआत गरेको पवित्रता र जागृतिमा जोड दिने स्वतःस्फुर्त ख्रीष्टियन अभियानको सदस्य) जसले एउटा अटेरी गाई किनेका थिए । दूध दुहुने बेला सधैं त्यो गाईले समस्या सृजना गथ्र्यो । त्यो गाईले खुट्टा बजार्ने, पुच्छारले तिनलाई हिर्काउने र दूधको बाल्टी घोप्ट्याइदिँदा रिस उठे तापनि अनुग्रह प्रदर्शन गर्न प्रतिबद्ध ती बृद्ध मानिसले रिसमा प्रतिक्रिया जनाउन इन्कार गरे । अन्त्यमा, त्यो गाईले तिनले गोठको पर्खालमै पुग्ने गरी लात हानेर फालिदियो, र अनि त तिनको सहनशीलताको बाँध टुट्यो ¤ रिसाएर त्यो गाईलाई हेर्दै तिनले भने, ‘तँलाई थाहा छ म एक क्वेकर हुँ र तँलाई प्रहार गर्न सक्दिनँ– तर म तँलाई एउटा प्रेस्बिटेरियनकहाँ बेच्न सक्छु ¤’ यसकारण जब तपाईं घाइते पक्ष हुनुहुन्छ, तब तपाईंले यो प्रतिज्ञाबाट शक्ति प्राप्त गर्नु आवश्यक छः ‘उहाँले अझ बढी अनुग्रह दिनुहुन्छ ।’

आत्मिक भोजनः यर्मिया २८–३० मर्कूस १:१६–२८ भजन ७२:१–११ हितोपदेश ९:१–६

The Word for Today is authored by Bob and Debby Gass and published under licence from UCB International Copyright © 2024