‘तिम्रा प्रार्थना र गरीबहरूलाई दिएका दान सम्झनाको रूपमा परमेश्वरको सामने पुगेका छन् ।’ —प्रेरित १०:४
परमेश्वरले कर्नेलियसलाई भन्नुभयो, ‘तिम्रा प्रार्थना र गरीबहरूलाई दिएका दान सम्झनाको रूपमा परमेश्वरको सामने पुगेका छन् ।’ स्मारक वा सम्झनाका थोकहरू सामान्यतया मरेर गएका मानिसहरूका लागि बनाइन्छन् । यो कति महान् प्रतिज्ञा हो किः तपाईं स्वर्गमा जानुभएपछि पनि, तपाईंले आफ्नाप्रियजनहरूको निम्ति गर्नुभएका प्रार्थनाहरू उहाँको ध्यानाकर्षण गर्दै र उहाँलाई काम गर्न उत्प्रेरित गर्दै परमेश्वरको सामु सम्झना बन्छन् । त्यसैले, प्रार्थना गर्न नछोड्नुहोस् । सन्त अगस्टिन ख्रीष्टयन मतको इतिहासमा सबैभन्दा प्रभावशाली व्यक्तित्वहरू मध्ये एक मानिन्छन् , तर उनको सुरुआत त्यति असल थिएन । जवान ओरेलियस अगस्टिनसका रूपमा उनले तीन दशकसम्म पूरै अनैतिक जीवन जिए । अनि ती प्रत्येक दशकको लागि उनकी आमा मोनिकाले उनको लागि प्रार्थना गरिन्, उनलाई पछ्याउँदै अफ्रिकाको कार्थेजदेखि युरोपको रोम र मिलानसम्म रुँदै, बिन्ती गर्दै, र उनको तर्फबाट परमेश्वरकहाँ खुरन्धार प्रार्थना गरिरहिन् । मोनिकाले आफ्नो छोरालाई परमेश्वरको शक्तिशाली मानिस भएको देख्न पाइन् । तपाईंले आफ्नो प्रियजनलाई ख्रीष्टमा फर्केको देख्न पाउनुहोस् या नपाउनुहोस्, तर यो कुरा थाहा पाउनुहोस् कि परमेश्वरले भन्नुहुन्छ, ‘तिम्रा प्रार्थना र गरीबहरूलाई दिएका दान सम्झनाको रूपमा परमेश्वरको सामने पुगेका छन् ।’ यहाँ हामी प्रार्थनाको मरणोपरान्त शक्ति, अर्थात् मानिस मरेर गएपछि पनि उसले गरेका प्रार्थनाको प्रभावका बारेमा कुरा गर्दैछौं । प्रकाशका पुस्तकका लेखक यूहन्नाले स्वर्ग भ्रमण गर्दा यसको झलक पाए र आफूले देखेको कुरा यी शब्दहरूमा वर्णन गरेः ‘अनि अर्को एउटा स्वर्गदूत आए, अनि सुनको धुपौरो लिएर वेदीको छेउमा खडा भए । सिंहासनको सामुन्ने रहेका सुनको वेदीमाथि सबै सन्तहरूका प्रार्थनासँग चढाउनका निम्ति तिनलाई धेरै धूप दिइयो । धूपको धूवाँ सन्तहरूका प्रार्थनाका साथ स्वर्गदूतको हातबाट परमेश्वरको सामुन्ने मास्तिर गयो’ (प्रकाश ८:३–४) । त्यसकारण, तपाईंको लागि आजको वचन छ–प्रार्थना गरिरहनुहोस् अनि परमेश्वरले तपाईंको प्रार्थनाको जवाफ दिनुहुनेछ ।
आत्मिक भोजनः यशैया ८–११ यूहन्ना ६:१–२४ भजन १२६ हितोपदेश २७:१७–१९
The Word for Today is authored by Bob and Debby Gass and published under licence from UCB International Copyright © 2024
