‘मेरो प्रार्थनामा तिमीहरूलाई सम्झना गर्दै तिमीहरूका निम्ति धन्यवाद दिन म थामिन्नँ ।’ —एफिसी १:१६
बाइबलका प्रार्थनाहरू शक्तिशाली छन् । तिनीहरूले परिस्थितिलिाई उचित दृष्टिकोणमा राख्छन् । उदाहरणका लागि पावलले प्रार्थना गरे कि परमेश्वरले एफिसीहरूलाई ‘उहाँको विषयको ज्ञानमा बुद्धि र प्रकाशको आत्मा देऊन् । म यो पनि प्रार्थना गर्दछु, कि तिमीहरूको ह्दयका आँखा उज्यालो होस् र कुन आशाको निम्ति उहाँले तिमीहरूलाई बोलाउनुभएको छ….र उहाँको शक्तिको असीम महानता के हो, सो तिमीहरू जान्न सक’ (पद.१७–१९) । यो नमुनालाई ध्यानमा राख्दै, जोएना रिर्यडनले लेखेकी छिन्ः (१) आफ्नो प्रार्थनालाई परमेश्वर केन्द्रित बनाउनुहोस् । ब्रह्माण्डका सृष्टिकर्ताले तपाईंलाई तपाईंको बिन्ती उहाँ समक्ष ल्याउने विशेषाधिकार दिनुभएको छ । जब तपाईंले परमेश्वरलाई उहाँ कति महान् हुनुहुन्छ भनी बताउनुहुन्छ, तपाईं केही महान् काम हुन सक्छ भन्ने आशाले भरिनुहुन्छ किनभने तपाईं त्यस्ता परमेश्वरसँग कुरा गर्दै हुनुहुन्छ जसले गर्न पनि सक्नुहुन्छ । (२) प्रार्थनालाई प्रशंसाले भरिदिनुहोस् । पावल यसो भन्दै सुरु गर्छन्, ‘तिमीहरूका निम्ति धन्यवाद दिन म थामिन्नँ ।’ यसको चाबी भनेको आफ्ना समस्याहरूमा केन्द्रित हुनु होइन, तर परमेश्वरलाई धन्यवाद दिनु र उहाँको प्रशंसा गर्नु हो किनभने उहाँले के गर्दैहुनुहुन्छ, उहाँ जान्नुहुन्छ । यसो भन्न सिक्नुहोस्, ‘हे प्रभु, मलाई थाहा छैन किन मलाई यो समस्या भइरहेको छ । तपाईंले यो परिस्थिति परिवर्तन गरिदिनुहोस् भन्ने म चाहन्छु । तर यदि तपाईंले त्यसो गर्नुभएन भने पनि, मलाई थाहा छ कि तपाईंले यसलाई मेरो जीवनमा भलाइको लागि नै प्रयोग गर्नुहुनेछ ।’ (३) प्रार्थनालाई जीवन परिवर्तनकारी बनाउनुहोस् । हाम्रा धेरैजसो प्रार्थनाहरूले हाम्रा परिस्थितिहरू परिवर्तन गर्न परमेश्वरलाई बिन्ती गर्ने प्रकारका हुन्छन् । तर सायद उहाँले तपाईंलाई परिवर्तन गर्न चाहनुहुन्छ । त्यसको अर्थ उहाँले तपाईंको पक्षमा कहिल्यै हस्तक्षेप गर्नुहुन्न भन्ने होइन† उहाँले आवश्यकताहरू पूरा गरिदिनुहुन्छ, ढोका खोलिदिनुहुन्छ र मानिसहरूलाई हरेक दिन आश्चर्यजनक रूपमा निको पार्नुहुन्छ । तर जब तपाईं उत्तर नपाइएको कुनै कुराको लागि प्रार्थना गर्दै वर्षौं बिताउनुहुन्छ, त्योचाहिँ तपाईंले सही तरिकाले प्रार्थना गरिरहनुभएको छैन भन्ने संकेत हुन सक्छ । पावलले कैद कोठरीमा आनन्द भेट्टाए, अनि जब परमेश्वरले तपाईंको आँखा खोलिदिनुहुन्छ, तपाईंले पनि आफ्नो परिस्थितिमा आनन्द भेट्टाउनुहुनेछ ।
आत्मिक भोजनः १ राजा १४ मत्ती १८:१–१४ भजन ५८ हितोपदेश ६:१०–११
The Word for Today is authored by Bob and Debby Gass and published under licence from UCB International Copyright © 2024
