‘परमेश्वरले हामीलाई निश्चित कामहरू उत्कृष्ठ रूपमा गर्न अलग–अलग वरदानहरू दिनुभएको छ ।’ —रोमी १२:६
सृजनशील र खुल्ला सोचका बारेमा एउटा रोचक अध्ययन गरिएको थियो । त्यसका परिणामहरू के थिए ? तीनदेखि पाँच वर्षसम्मका ९८ प्रतिशत बालबालिकाले सृजनशील सोचाइका लागि उत्कृष्ठ श्रेणीको अंक पाए । आठदेखि दस वर्ष उमेरका बालबालिकाको बिचमा, त्यो संख्या ३२ प्रतिशतमा झ¥यो । किशोरावस्थामा पुग्दा यो १० प्रतिशतमा झ¥यो र पच्चीस वर्षभन्दा माथिका व्यक्तिहरूमा, केवल २ प्रतिशतले सृजनशील सोचका लागि उत्कृष्ठ श्रेणीको अंक पाए । यसको अर्थ तपाईं जति बूढो हुनुहुन्छ परिवर्तनको प्रतिरोध गर्ने तपाईंको प्रवृत्ति त्यति नै बढ्दै जानेछ । यसको अर्थ यो पनि हुन्छ कि तपाईंले जीवनमा तपाईंको ईश्वर प्रदत्त जिम्मेवारी पत्ता लगाउन र यसलाई पूरा गर्न आवश्यक सीपहरू विकास गर्न असफल हुन सक्नुहुन्छ । बाइबलले भन्दछ, ‘जसरी हाम्रो एउटै शरीरमा धेरै अंग हुन्छन् तर सबै अंगहरूको एउटै काम हुँदैन…त्यसरी नै परमेश्वरले हामीलाई निश्चित कामहरू उत्कृष्ठ रूपमा गर्न अलग–अलग वरदानहरू दिनुभएको छ’ (रोमी १२: ४, ६) । तपाईंको जीवनको लागि परमेश्वरको योजनामा तपाईंलाई कुन कुराले फरक बनाउँछ र तपाईंले कुन काम उत्कृष्ठ रूपमा गर्नुहुन्छ त्यो पत्ता लगाउनु समावेश छ । अधिकांश चर्चहरूमा धेरै व्यक्तिहरू धेरै समान देखिन्छन् र समान व्यवहार गर्छन् । पास्टरहरूले यस्तो अवस्था सृजना गर्न सक्छन् । साथीहरूको दबावले यस्तो अवस्था सृजना गर्न सक्छन् । वास्तवमा चर्च चाहिँ विविधता हुनुपर्ने ठाउँ हो । तपाईं जस्तो व्यक्ति कहिल्यै जन्मिएको छैन, र कहिल्यै जन्मने पनि छैन । अनि त्यसको श्रेय तपाईंलाई होइन तर यो परमेश्वरलाई दिनुपर्छ जसले तपाईंको सृष्टि गर्नुभयो र उहाँका उद्देश्यहरू पूरा गर्न तपाईंलाई छटुकारा दिनुभयो । अनि यसको लागि तपाईं को हुनुहुन्छ र तपाईं को हुनुहुन्न भन्ने कुरा पत्ता लगाउनुपर्छ । यसको बारेमा सोच्नुहोस् तः के तपाईं आफू जो हुनुहुन्न त्यसको लागि मन पराइनुभन्दा तपाईं जो हुनुहुन्छ त्यसको लागि मन नपराइन चाहनुहुन्न ?त्यसकारण, तपाईंलाई कुन कुराले विशेष बनाउँछ पत्ता लगाउनुहोस् ।
आत्मिक भोजनः यशैया १२–१६ यूहन्ना ६:२५–३४ भजन ८५ हितोपदेश २७:२०–२२
The Word for Today is authored by Bob and Debby Gass and published under licence from UCB International Copyright © 2024
