‘परमप्रभु मेरा गोठाला हुनुहुन्छ, मलाई केही कुराको अभाव हुँदैन ।’ —भजन २३:१
यसो भन्न सजिलो छ, ‘परमप्रभु मेरा गोठाला हुनुहुन्छ,’ तर तपाईं कसरी भन्न सक्नुहुन्छ कि यो कुरा तपाईंको निम्ति वास्तविक हो वा तपाईं यी शब्दहरू मात्र बोल्दै हुनुहुन्छ ? यहाँ एउटा सरल परीक्षण छः जब तपाईंलाई मदत चाहिन्छ, तपाईं पहिले ककोतर्फ फर्कनुहुन्छ ? अधिकांश मानिसहरू अरू सबै प्रयत्न गरिसकेपछि मात्रै परमेश्वरकहाँ जान्छन् । अनि जब अरू कुनै कुराले काम गर्दैन, तब तिनीहरू प्रार्थना गर्ने प्रयास गर्छन् । तपाईंको पछिल्लो संकटको बारेमा सोच्नुहोस् । मदतको लागि तपाईं जो वा जेतर्फ पहिले फर्कनुभयो, त्यो नै तपाईंको गोठालो हो । अफ्रिकी घना जंगलको यात्रामा एउटा व्यक्तिले गाइडलाई पछ्याउँदै थियो । तिनीहरू भित्री जंगलतर्फ जाने क्रममा, त्यो गाइडले आफ्नो हतियारले तिनीहरूको अगाडि पर्खाल जस्तै उभिएको बाक्लो झाडी फाँडिरहेको थियो । ‘कहाँ जाने भनेर तिमीलाई कसरी थाहा हुन्छ ?’ भनी त्यो मान्छेले सोध्यो । ‘बाटो कहाँ छ ?’ गाइडले जवाफ दियो, ‘बाटो मै हुँ ।’ हाम्रो जीवन त्यो जंगल जस्तै छ† तपाईंलाई त्यस्तो गाइड चाहिन्छ जसलाई थाहा छ ऊ कहाँ जाँदैछ र उसले के गरिरहेको छ । अनि यहाँ पृथ्वीमा, यस्तो कामको लागि को योग्य छ ? केवल एक व्यक्ति– प्रभु ¤ तपाईंलाई उहाँको मार्गदर्शनको आवश्यकता नपर्ने त्यस्तो कुनै दिन हुनेछैन र यदि तपाईंले मार्गदर्शन साँच्चै चाहनुहुन्छ भने तपाईंले त्यो पाउन सक्नुहुन्छ । बाइबलले भन्दछ, ‘उसले आफ्ना भेडाहरूलाई नाउँ काढी–काढी बोलाउँछ, अनि तिनीहरूलाई बाहिर लैजान्छ…ऊ तिनीहरूका अगिअगि हिँड्छ र भेडाहरूले उसलाई पछ्याउँछन्, किनभने तिनीहरूले उसको सोर चिन्छन्’ (यूहन्ना १०:३–४) । कस्तो प्रतिज्ञा ¤ त्यहाँ तपाईंको ध्यान खिच्नको लागि प्रतिस्पर्धा गर्ने विभिन्न आवाजहरू छन् जसमध्ये कतिपयले तपाईंको ख्याल राख्छन् र कतिपयले ख्याल राख्दैनन् । तर मार्गदर्शनको सन्दर्भमा तपाईंले सधैं भरोसा गर्न सक्नुहुने एक मात्र आवाज येशू तपाईंका गोठालाको आवाज हो ।त्यसकारण हामीले ‘उहाँको स्वर चिन्नु’ महŒवपूर्ण छ ।
आत्मिक भोजनः यर्मिया ४५–४८ मर्कूस २:१३–१७ भजन २५:१६–२२ हितोपदेश १०:४–७
The Word for Today is authored by Bob and Debby Gass and published under licence from UCB International Copyright © 2024
