‘मैले चर्को सोरले परमप्रभुमा पुकार गरें र उहाँले आफ्नो पवित्र पर्वतबाट मलाई जवाफ दिनुभयो । सेला ।’ —भजन ३:४
प्रार्थना गर्न कहिलेकहीँ येशू बिहान सबेरै उठ्नुभयो† अन्य समयमा उहाँले रातभरि प्रार्थना गर्नुभयो । त्यसकारण तपाईंको शान्त समय बिहान, साँझ, वा तपाईंको लागि उपयुक्त जुनसुकै समय हुन सक्छ । तपाईंले जागिरमा निश्चित समयसम्म काम गरेझै परमेश्वरले तपाईंलाई भुक्तानी गर्नुहुन्छ भनेझैं गर्नुभएको होइन । उहाँले त तपाईंलाई उहाँसँग समय बिताउन आमन्त्रित गर्दैहुनुहुन्छ । दाऊदले भने, ‘मैले चर्को सोरले परमप्रभुमा पुकार गरें र उहाँले आफ्नो पवित्र पर्वतबाट मलाई जवाफ दिनुभयो । सेला ।’ भजनसंग्रहका पुस्तकभरि नै, ‘सेला’ भनिने यो सानो शब्द एकहतर पटक प्रयोग गरिएको छ । यसको अर्थ रोकिनु र सोच्नु हो । त्यो रोकिने कामसँग जोडिएको समयको कुनै निश्चित लम्बाइ छैन । बरु, कति लामो विश्राम लिने भन्ने कुरा व्यक्तिमा छोडिएको देखिन्छ । सेला । यो विश्राम गर्न र चिन्तन गर्न, स्थिर हुन र गहिरो सास फेर्न, त्यो पलमा शान्त रहन र केही समयसम्म त्यसमै रहनको लागि दिइएको बोलावट हो । सेलाको अवधारणा प्रभुसँग शान्त समयको केन्द्रमा रहेको देखिन्छ । जब प्रभुले ‘सेला’ भन्नुहुन्छ, उहाँले यसो भरिहनुभएको हुन्छ, ‘काम गर्न छोड, र मेरो पाउमा बस । केवल मेरो बन ।’ कस्तो निमन्त्रणा ¤ तपाईंले चाहनुभएको सबै थोक र तपाईंलाई चाहिने सबै कुरा यही हो । अनि यो कुरा विश्वास गर्नुहोस् वा नगर्नुहोस्, अक्सर प्रभुसँग विश्राम गर्न नसक्ने मानिसहरू नै सेवाकार्यमा संलग्न छन् । मार्था जस्तै, सेवा गर्ने सन्दर्भमा तिनीहरू उत्कृष्ठ हुन्छन् । जोखिम यो हो कि प्रभुको लागि धेरै काम गरेका छौं भन्ने सोचेर मरियमले जस्तै हामी पनि उहाँको पाउनेर बस्न र उहाँसँग समय बिताउनबाट मुक्त भएका छौं भन्ने ठान्छौं । यदि तपाईं यसमा बेपरवाह वा अनियमित हुनुभएको छ भने, प्रभुसँग आफ्नो शान्त समय पुनस्र्थापित गर्नुहोस् र कुनै पनि कुरालाई तपाईंलाई यसबाट बञ्चित गर्न नदिनुहोस् ।
आत्मिक भोजनः व्यवस्था १८:९–१४ दानिएल २ यशैया ४७:५–१५ प्रेरित १६:१६–३४
The Word for Today is authored by Bob and Debby Gass and published under licence from UCB International Copyright © 2024
