‘मबाट अलग रहेर तिमीहरू केही गर्न सक्दैनौ ।’ —यूहन्ना १५:५
स्वयं सहायता बारेका पुस्तकहरू र उत्प्रेरक वक्ताहरू किनारामा उभिएर यसो भन्दै उत्साह दिने मानिसहरू जस्तै हुन्, ‘तपाईंले त्यो गर्न सक्नुहुन्छ ¤’ तिनीहरू सहायकसिद्ध हुन सक्छन्, तर ‘तपाईंले त्यो गर्न सक्नुहुन्छ’ भन्ने सिद्धान्त सधैं सत्य हुन्थ्यो भने, हामीलाई परमेश्वरको खाँचो पर्ने थिएन । पावलले यो कुरा बुझेका थिए । त्यसैकारण त उनले यस्तो लेखे, ‘जसले मलाई शक्ति दिनुहुन्छ, उहाँमा नै म सब कुरा गर्न सक्छु’ (फिलिप्पी ४:१३) । परमेश्वरको इच्छा पत्ता लगाउनको लागि असम्भव कुरामा विश्वास अनि उहाँमाथि बालकको जस्तो निर्भरता चाहिन्छ । बाइबलमा यस्ता धेरै व्यक्तिहरू छन् जसले उनीहरूको आफ्नै शक्तिमा साधारणतया असम्भव कामहरू गर्दा परमेश्वरको सिद्ध इच्छामा उनीहरूको नियति पत्ता लगाए । उदाहरणका लागिः १) नोआ र उनको असम्भव परियोजना । नोआलाई हातद्वारै युद्ध विमानहरू वसारपसार गर्न सक्ने ठूलो पानीजहाज बनाउने जिम्मा दिइएको थियो ¤ ३) अब्राहाम र उनको असम्भव प्रतिज्ञा । वर्षौंसम्म बाबु बन्ने प्रयत्नपछि नब्बे वर्षको उमेरमा, परमेश्वरले उनलाई भन्नुभयो कि उनका सन्तानहरू आकाशका तारा र समुद्रका बालुवा जत्तिकै धेरै हुनेछन् । ३) मरियम र तिनको असम्भव गर्भावस्था । आफ्नो हुनेवाला पतिलाई ‘म गर्भवती छु र बच्चाको बाबुचाहिँ पवित्र आत्मा हुनुहुन्छ ¤’ असाधारण कामहरू गर्नका लागि परमेश्वरले साधारण मानिसहरूलाई प्रयोग गर्नुभएको छ । ती प्रत्येक आफूभन्दा ठूलो कुनै कुरामा संलग्न बन्न बोलाइएका थिए । अनि परमेश्वरमा समर्पित भएको र उनीहरूमा उहाँका उद्देश्यहरू प्रकट हुन र उनीहरूद्वारा पूरा हुन अनुमति दिएको कारण, उहाँले उनीहरूलाई अचम्म तरिकाले चलाउनुभयो । उहाँले मात्रै गर्न सक्नुहुने काम हामीद्वारा गर्नुहुँदा परमेश्वर आनन्दित हुनुहुन्छ, ता कि उहाँले नै सारा महमिा, आदर र प्रशंसा प्राप्त गर्नुहोस् ।यसकारण असम्भव देखिने र महान् काम गर्न तपाईंलाई परमेश्वरको सहायता चाहिन्छ ।
आत्मिक भोजनः प्रेरित १:१–३:१० मर्कूस ३:७–१२ भजन ४३ हितोपदेश १०:१७–१८
The Word for Today is authored by Bob and Debby Gass and published under licence from UCB International Copyright © 2024
