जो परमप्रधानको शरणमा वास गर्दछ, त्यो मानिस सर्वशक्तिमान्को छत्रछायामुनि रहन्छ ।’ —भजन ९१:१
दोस्रो विश्वयुद्धको क्रममा बेलायतले हवाई आक्रमणबाट बच्ने शरणस्थानहरू निर्माण गरेको थियो । अक्सर एउटै सडकमा त्यस्ता शरणस्थानहरू धेरै थिए । चारैतिर बम खसिरहेको बेला एउटा त्यस्तो शरणस्थानमा उभिएको बारे एक जना पास्टरले बताएका छन् । आफ्नो छेउमा बस्ने मान्छेलाई हेर्दै उनले सोधे, ‘किन यो ठाउँमा सधैं भिडभाड हुन्छ तर अरू चाहिँ खाली हुन्छन् ?’ तिनले जवाफ दिए, ‘पास्टर, हामी सबैलाई थाहा छ कि तपाईं परमेश्वरका जन हुनुहुन्छ । यदि उहाँले कसैलाई बचाउनुहुनेछ भने, उहाँले तपाईंलाई बचाउनुहुनेछ । त्यसैले हामी यहाँ छौं ।’ पछिबाट यसको बारेमा सोच्दै, ती पास्टरले भने, ‘ती धेरै मानिसहरू चर्च जाँदैनथे, र येशूको नाम तिनीहरूको शब्दावलीमा हल्का रूपमा प्रयोग गरिने शब्द थियो । तिनीहरूले उहाँको सुरक्षा चाहन्थे, तर उहाँको प्रभुत्व होइन ।’ यसरी बाँच्न इन्कार गर्नुहोस् ¤ आफ्नो जीवन परमेश्वरमा समर्पण गर्नुहोस् र आफ्नो सम्पूर्ण जीवनभरि दिनको चौबीस घण्टा, हप्ताको सात दिन, वर्षको बाउन्न हप्ता नै उहाँको सुरक्षामा रहनुहोस् । ‘जो परमप्रधानको शरणमा वास गर्दछ, त्यो मानिस सर्वशक्तिमान्को छत्रछायामुनि रहन्छ । परमप्रभुको बारेमा म भन्नेछु, “उहाँ मेरो शरणस्थान र किल्ला हुनुहुन्छ, मेरा परमेश्वर, जसमाथि म भरोसा राख्तछ ।” निश्चय नै उहाँले तिमीलाई शिकारीको पासोबाट, र घातक रूढीबाट बचाउनुहुनेछ । उहाँले तिमीलाई आप्mना प्वाँखहरूले छोप्नुहुनेछ, र उहाँका पखेटामुनि तिमीले शरण पाउनेछौ…तिमी रातको ठूलो त्रासदेखि, र दिनमा उडेर आउने बाणदेखि डराउनेछैनौ, न त अन्धकारमा फैलिने रूढीदेखि, न मध्यदिनमा नाश गर्ने महामारीदेखि डराउनेछौ । एक हजार जना तिम्रो नजिक लोट्लान्, र तिम्रो दाहिने हाततर्फ दश हजार जना, तर तिम्रो नजिक त्यो आउनेछैन’ (भजन ९१:१–७) ।आज यो कुरा बुभ्mनुहोस् कि तपाईं परमेश्वरको शरणस्थानमा सुरक्षित हुनुहुन्छ ।
आत्मिक भोजनः २ इतिहास २५–२८ लूका १७:११–१९ भजन ११९:१२९–१३६ हितोपदेश २२:८–१०
The Word for Today is authored by Bob and Debby Gass and published under licence from UCB International Copyright © 2024
