तपाईंले कि त आफ्नो बोलावट चुन्नुहुन्छ कि त सुविधा

‘तर तिनीहरू हारानमा पुगेपछि त्यहीँ नै बसोबास गरे ।’ —उत्पत्ति ११:३१

बाइबलले भन्दछ, ‘तेरहले आफ्ना छोरा अब्रामलाई…साथमा लिएर कल्दीहरूको ऊरबाट कनान देशमा जान तिनीहरूसँगै निस्के । तर तिनीहरू हारानमा पुगेपछि त्यहीँ नै बसोबास गरे’ (पद ३१) । एक जना ख्रीष्टियन लेखकले लेखेका छन्ः ‘तेराह अब्रामसँगै कनानको यात्रामा गए, तर त्यसपछि उनी रोकिए…तेरह र उनको परिवारले आफ्नो कथा उरमा सुरु गरे, जुनचाहिँ धन र शिक्षाको ठूलो केन्द्र र मूर्तिहरूको देश थियो । त्यसपछि तिनीहरू त्यो बाटोमा यात्रा सुरु गर्छन्, जुन हारान सहरहुँदै कनानमा जान्छ… अब्रामका बाबु तेरहको लागि हारानमै बाटो समाप्त हुन्छ । बाइबलका अन्य खण्डहरूबाट हामीले थाहा पाउँछौं कि हारान उर जस्तै शहर थियो । त्यहाँ प्रशस्त धनसम्पत्ति थियो । त्यहाँ मूर्तिहरू थिए । यहाँ के हुँदैछ ? यसो हुन सक्थ्यो… सायद तेरहले सोच्दैथिए, “यदि म योभन्दा धेरै टाढा गएँ भने, मैले मेरा सबै थोक गुमाउन सक्छु । निश्चय नै, मैले मेरा मूर्तिहरू त्याग्नुपर्छ ।” त्यसैले उनले आराम रोजे । तर अब्रामले आफ्नो बोलावटलाई स्वीकार गर्ने छनोट गरे ।’ त्यो तपाईंले पनि गर्नुपर्ने छनोट हो । अनि तपाईंले बारम्बार यस्तो छनोट गर्नुपर्छ । तपाईंका परिस्थितिहरू परिवर्तन हुँदैजाँदा, र तपाईंको जीवनका ऋतुहरू अगि बढ्दैजाँदा, तपाईंले परमेश्वरसँग अज्ञात क्षेत्रमा हिंड्ने वा आपूmलाई थाहा भएको कुराको सुरक्षामै सीमित बस्ने भन्ने निर्णय गर्नुपर्नेछ । तेरह बिचमै बसेý अब्राम अगि बढे । तपाईंले के गर्नुहुनेछ ? परमेश्वरको प्रेम र अनुग्रहको योग्य बन्न तपाईंले केही गर्नुपर्दैनý ती त दान हुन् । तर परमेश्वरको आशिष्मा हिंड्नको लागि, तपाईंले आफ्नो आरामभन्दा आफ्नो बोलावटलाई रोज्नुपर्छ ।यसकारण आज चुनौती यो छः तपाईं आफ्नो ईश्वरीय बोलावट चुन्नुहुन्छ कि क्षणिक सुख सुविधा ?

आत्मिक भोजनः उत्पत्ति ३०:२५–३१:५५ यूहन्ना १५:१८–२७ भजन ६५ हितोपदेश ३१:२५–२७

The Word for Today is authored by Bob and Debby Gass and published under licence from UCB International Copyright © 2024