‘फिक्री नगर…तिमीहरूका सबै खाँचोहरू पूरा गरिनेछन् ।’ —मत्ती ६:३३
चाइनाका लागि मिसनरी ग्ल्याडिस एवार्डले भनेकी छिन्, ‘माथि आकाशमा उड्ने चिलले कसरी नदीहरू पार गर्ने भन्ने चिन्ता गर्दैन ।’ तपाईं चिन्ताबाट बच्न सक्नुहुन्न† यो विभिन्न दिशाबाट र विभिन्न रूपहरूमा तपाईंकहाँ आउनेछ । तर चिलजस्तै, तपाईं यसभन्दा माथि उठ्न सक्नुहुन्छ । येशूले भन्नुभयोः ‘यसैकारण म तिमीहरूलाई भन्दछु, “के खाउँला, के पिउँला” भनी आफ्नो प्राणको निम्ति र “के लगाउँला” भनी आफ्नो शरीरको निम्ति फिक्री नगर…आकाशका चराचुरुंगीलाई हेर । तिनीहरूले न त बिउ छर्छन्, न अन्न कटनी गर्छन्, न भकारीमा बटुल्छन्, तर तिमीहरूका स्वर्गका पिताले तिनीहरूलाई खुवाउनुहुन्छ । के तिमीहरू तिनीहरूभन्दा, बढी मूल्यवान् छैनौ र ? तिमीहरूमध्ये कुनचाहिँले फिक्री गरेर आफ्नो आयुमा एक घडी पनि थप्न सक्छ ? अनि लुगाफाटाका निम्तिी तिमीहरू किन फिक्री गर्दछौ ? मैदानका लिली फूललाई हेर, ती कसरी बढ्दछन् । तिनले न परिश्रम गर्दछन्, न धागो कात्छन् ।तर म तिमीहरूलाई भन्दछु, सोलोमन राजा पनि आफ्ना सारा वैभवमा तिनीहरूमध्ये एउटा जति आभूषित थिएनन् । आज हुने र भोलि अगेनोमा फालिने घाँसलाई परमेश्वरले यसरी पहिराउनुहुन्छ भने, ए अल्पविश्वासी हो, के तिमीहरूलाई झन् बढी उहाँले पहिराउनुहुनेछैन र ? यसकारण “के खाऔंला ?” कि “के पिऔंला ?” कि “के पहिरौंला?” भनेर फिक्री नगर । किनकि अन्यजातिहरूले यी सब थोक खोज्दछन्, र तिमीहरूका स्वर्गमा हुनुहुने पिताले तिमीहरूलाई यी सबै थोकको खाँचो छ भनी जान्नुहुन्छ । तर पहिले उहाँको राज्य र उहाँका धार्मिकताको खोजी गर, र यी सबै थोक तिमीहरूका निम्ति थपिनेछन् । यसकारण भोलिको निम्ति फिक्री नगर, किनकि भोलिको दिनले आफ्नो फिक्री आफै गर्नेछ । आजको दुःख आजको निम्ति पर्याप्त छ”’ (पद २५–३४) ।आज धर्मशास्त्रको यस खण्डलाई मनन गर्नुहोस्, र फिक्री नगर्नु भन्ने प्रभुको आदेशको अर्थ बुझेर सोहीअनुसार जिउन सुरु गर्नुहोस् ।
आत्मिक भोजनः १ पत्रुस १–५ मर्कूस ९:१४–२९ भजन ४९ हितोपदेश १२:२०–२२
The Word for Today is authored by Bob and Debby Gass and published under licence from UCB International Copyright © 2024
