‘हे परमेश्वर, तपाईंले टुटेको र पश्चात्ताप गर्ने ह्दयलाई अस्वीकार गर्नुहुनेछैन ।’ —भजन ५१:१७
तोडिने कामले आशिष् ल्याउँछ । एलियाको आत्माको दोब्बर भाग प्राप्त गर्न, किसानको काम गर्ने एलिशाले आफ्नो हलो भाँचेर जलाउनु परेको थियो । येशूप्रतिको आफ्नो प्रेम देखाउन मरियमले आफ्नो महँगो अत्तरको बाकस खोलेर उहाँमाथि खन्याउनुपरेको थियो । मिद्यानका सेनाहरूलाई परास्त गर्न गिदोनका तीन सय सिपाहीहरूले आफ्ना भाँँडाहरू फुटाउनुपरेको थियो, आफ्नो ज्योति चम्कन दिनुपरेको थियो र आफूलाई निशाना बनाउनुपरेको थियो । सत्यता के हो भने, हामीलाई प्रयोग गर्नको लागि परमेश्वरले हामी प्रत्येकलाई विभिन्न क्षेत्रहरूमा तोड्नु पर्छ । कुन क्षेत्रहरूमा ? खराब आदत । जिद्दी चाहनाहरू । फुलेको अहंकार । खराब विचारहरू । अशक्त बनाउने डरहरू । गुप्त पूर्वाग्रहहरू । भ्रामक महत्वाकांक्षाहरू । यस्ता कुराको सूची अनन्त छ । तपाईं पूर्वतिर फर्केको हुनुहुन्छ भने, तपाईं पश्चिमतर्फ जानुहुने छैन, त्यसकारण परमेश्वरले तपाईंलाई पूरै घुमाउनुपर्छ । त्यसको लागि कहिलेकहीँ अनुशासन चाहिन्छ । अनि त्यस्तो अनुशासनको लम्बाइ र त्यसको सीमा निर्धारण गर्ने व्यक्ति तपाईं नै हुनुहुन्छ, परमेश्वर होइन । ‘सबै ताडना सुरुमा सुखद हुँदैन तर दुःखदायी हुन्छ, तर ताडनाद्वारा तालिम पाएकाहरूका लागि यसले पछि धार्मिकताको शान्तिपूर्ण फल उत्पन्न गराउँछ’ (हिब्रू १२:११) । यदि तपाईं अभिभावक हुनुहुन्छ भने, तपाईंले यो कुरा बुझ्नुहुन्छ । एउटा बच्चा रुँदै बस्छ भने अर्कोले चाहिँ तपाईंप्रति अनाज्ञाकारिता जनाउनेछ । तपाईंको आत्मनिर्भरता तोड्नको लागि परमेश्वरले जे पनि गर्नुहुनेछ ¤ पावलले लेखेका छन्, ‘परमेश्वरले सम्पूर्ण रूपले तिमीहरूलाई चोखा तुल्याऊन् र तिमीहरूका समस्त आत्मा, प्राण र शरीर हाम्रा प्रभु येशू ख्रीष्टको आगमनमा निष्कलंक रहून्’ (१ थेसलोनिकी ५:२३) । ध्यान दिनुहोस् कि रूपान्तरणको क्रममा तपाईंको शरीर अन्तिममा आउँछ । नयाँ जन्म नभएको शरीरमा बास गर्ने नयाँ जन्म पाएको आत्माको रूपमा, तपाईंले सधैँ ‘शरीरसँग लडन्त गरिरहनुभएको छ ।’ यसमा जितको रहस्य के हो ? यसकारण तोडिएको अवस्था र समर्पण नै आशिष् पाउने माध्यम हो भन्ने कुरा बुभ्mनु जरुरी छ ।
आत्मिक भोजनः प्रस्थान २०:१४ हितोपदेश ६:२३–३५ मत्ती ५:२७–३० १ कोरिन्थी ६:९–२०
The Word for Today is authored by Bob and Debby Gass and published under licence from UCB International Copyright © 2024
