‘हे मेरा परमेश्वर, तपाईंको इच्छाबमोजिम गर्न म चाहन्छु ।’ —भजन ४०:८
परमेश्वरको इच्छा पालन गर्नु कठिन हुन सक्छ, तर यसले सधैं सन्तुष्टि र इनामको भावना ल्याउँछ । दाऊदले आफ्नो परिवारबाट क्रोध, आफ्नो मालिकबाट धोका र आफ्नासाथीहरूबाट इन्कारको अनुभव गरे । तापनि उनले यसो भन्न सके, ‘हे मेरा परमेश्वर, तपाईंको इच्छाबमोजिम गर्न म चाहन्छु, तपाईंको व्यवस्था मेरो ह्दयभित्र छ ।’ तपाईंलाई परमेश्वरले दिनुभएको भविष्य पूरा गर्न, तपाईं जोशिलो हुनु आवश्यक छ । जोशले तपाईंलाई प्रत्येक पटक फाइदा दिन्छ । रुची मात्रै भएका ९९ जनाभन्दा जोश भएको एक व्यक्ति बढी प्रभावकारी हुन्छ । जोशले तपाईंलाई ऊर्जा दिन्छ अनि अरूले छोड्दा पनि जारी राख्न तपाईंलाई सक्षम बनाउँछ । वास्तवमा, जब तपाईंले छोड्न चाहनुहुन्छ त्यो समयमा पनि यसले तपाईंलाई जारी राख्न लगाउँछ ¤ परमेश्वरले तपाईंलाई उहाँको इच्छाको लागि जोश दिनुहुने मात्र होइन, तर तपाईंले आफूसँग छ भनी थाहाा नभएका क्षमताहरू पनि पत्ता लगाउनुहुनेछ । तिनीहरू अविकसित हुन सक्छन्, तर तिनीहरू त्यहाँ उपयोग गरिन पर्खिरहेका छन् । हामीमध्ये कतिपयमा अन्तर्निहित क्षमताहरू छन्, अनि हामी को हौं र के हामीले के गर्नुपर्छ हामी जान्दछौं । अरू कतिपयले चाहिँ यी कुरा पत्ता लगाउन कडा मेहनत गर्नुपर्छ । तपाईंको लक्ष्य तपाईंको जीवनको सकेसम्म थोरै मात्रै खेर फाल्ने हुनुपर्छ । कुनै उपलब्धि प्राप्त गर्न तपाईंलाई प्रेरणा दिने परमेश्वरबाटको सपना अनि तपाईं को हुनुहुन्छ र तपाईंलाई के गर्न बोलाइएको छ भन्ने कुरासँग कुनै सम्बन्ध नभएको र यत्तिकै सृजिइएको अवधारणाका बिचमा ठूलो भिन्नता हुन्छ । जसरी अग्रपंक्तिको सिपाही सैन्य मुख्यालयसँग सम्पर्कमा रहनुपर्छ, त्यसरी नै तपाईंले दैनिक प्रार्थना गर्नुपर्छ र परमेश्वरको वचनमा खोज्नुपर्छ । जब तपाईंलाई थाहा हुन्छ कि परमेश्वरले तपाईंलाई जे काम गर्नको लागि बोलाउनुभएको छ तपाईंले त्यही गरिरहनुभएको छ, तब तपाईंले दुःखको बिचमा आनन्द, द्वन्द्वको बिचमा शान्ति, र तपाईंको वरपरका सबै थोक बिग्रँदा समेत साहस अनुभव गर्नुहुन्छ । यसकारण, तपाईंले परमेश्वरको इच्छा पूरा गरिरहनुभएको छ भन्ने जान्नुभन्दा महत्त्वपूर्ण कुरा केही पनि छैन ।
आत्मिक भोजनः प्रेरित १३:२१–२२ १ शमूएल १६ १ शमूएल १७:३२–५१ १ शमूएल २४:१–१७
The Word for Today is authored by Bob and Debby Gass and published under licence from UCB International Copyright © 2024
