‘तब तीन वर्षपछि केफाससँग भेट गर्न म यरूशलेम गएँ ।’ —गलाती १:२०
परमेश्वरको निर्देशनपछि प्रायः तयारीको समय आउनेछ । अनि त्यो समयको लम्बाइ तपाईंको जिम्मेवारीको आकारद्वारा निर्धारण गरिन्छ । त्यसकारण जब परमेश्वर तपाईंसँग बोल्नुहुन्छ, हतार गरेर मानिसहरूलाई त्यो कुरा बताउनु सधैँ बुद्धिमानी होइन । पावलले दमस्कसको बाटोमा ख्रीष्टसँग गरेको अचम्मको अनुभवको बारेमा कसले कुरा गर्न चाहँदैनथ्यो होला ? अनि त्यो काम गर्न पावलको लागि एउटा सही समय हुनेथियो– तर अहिल्यmै त होइन । त्यसकारण परमेश्वरले अनुमति नदिनुभएसम्म नहिँड्नुहोस् । किन ? दुई वटा कारण छन्ः (१) तपाईंलाई समय, परिपक्व र सुसज्जित हुन आवश्यक छ ताकि तपाईंले प्राप्त गर्नुभएको वचनले तपाईं भित्र जरा गाड्न्, वृद्धि हुन र परमेश्वरले चाहनुभएअनुसार पूरा हुन सकोस् । (२) कहिलेकहीँ परमेश्वरले तपाईंलाई जुन व्यक्तिकहाँ पठाउनुभएको छ उसको ह्दयलाई तयार पार्न समय लिनुहुन्छ । पावलले लेखेका छन्ः ‘जब अन्यजातिहरूका बिचमा उहाँको प्रचार गर्नलाई आÇना पुत्र ममा प्रकट गराउन उहाँलाई खुशी लाग्यो, तब मैले कुनै मानिससँग केही सल्लाह लिइनँ, न त मभन्दा अघि प्रेरित हुनेहरूकहाँ म यरूशलेममा गएँ, तर तुरुन्तै अरब देशमा गएँ…तब तीन वर्षपछि केफाससँग भेट गर्न म यरूशलेम गएँ…त्यसपछि म सिरिया र किलिकियाका इलाकातिर गएँ’ (पद १६–२१) । पावललाई थाहा थियो कि मानिसहरूले उनको बोलावटमा पत्यार गर्ने छैनन्, अनि उनीसँग पर्खने बुद्धि थियो । उनले परमेश्वरलाई उनको अगाडि जान र परिस्थितिहरू व्यवस्थित गर्न अनुमति दिए । अनि जब उनले पर्खिरहेका थिए, उनले प्राप्त गरेको वचनलाई वृद्धि हुन र आÇनो जीवनमा परिवर्तन गर्न अनुमति दिए । त्यसपछि मात्रै उनले आफूलाई जुन काम गर्न बोलाइएको थियो त्यो काम गर्न सुरु गरे । पावलले कसैलाई विश्वास दिलाउन कोसिस गरेनन् । उनले परमेश्वरलाई त्यसो गर्न दिए । त्यसको परिणाम के भयो ? ‘तिनीहरूले मेरो कारण परमेश्वरलाई महिमा दिए ¤’ (पद २४) ।यसकारण मानिसहरूलाई सबै कुरा बताउन र विश्वास दिलाउनु भन्दा परमेश्वरको कुरा सुन्नु असल छ ।
आत्मिक भोजनः २ राजा १८:१७–२०:२१ मत्ती २५:१–२३ भजन ११५ हितोपदेश ८:१–३
The Word for Today is authored by Bob and Debby Gass and published under licence from UCB International Copyright © 2024
