तिनले त्यसलाई…एउटा टोकरीमा राखेर नील नदीको तीरमा नर्कट झाडीको बिचमा राखिदिइन् ।’ —प्रस्थान २:३
मोशाकी आमाले उनलाई एउटा टोलामा हालिन्, नील नदीमा राखिन्, अनि छालले उनलाई फारोकी छोरीकहाँ पु¥यायो, जसले उनलाई धर्मपुत्रका रूपमा ग्रहण गरिन् र उनलाई फारोको परिवारकै सदस्य बनाइन् । उनको अर्को चालीस वर्ष उनलाई सबै समयका सबैभन्दा ठूला जिम्मेवारीहरू मध्ये एकको लागि तयार गर्न खर्च गरिनेथियोः प्रस्थानको लागि । यहाँ एउटा मननयोग्य र शिक्षाप्रद कुरा छ । नदीले उनलाई निराशा र हतासाको स्थानबाट सबै कुरा सम्भव भएको स्थानमा पु¥यायो । अनि परमेश्वरले तपाईंको लागि पनि त्यसै गर्न सक्नुहुन्छ । (१) उहाँको अनुग्रहको नदीले तपाईंको पापहरू मेटाइदिन सक्छ, तपाईंलाई ख्रीष्टको धार्मिकता पहिराइदिन सक्छ । तपाईंलाई परमेश्वरसँगको नयाँ सम्बन्धमा ल्याउन सक्छ । (२) उहाँको सामथ्र्यको नदीले तपाईंलाई हारको स्थानबाट विजयको स्थानमा लैजान सक्छ । (३) उहाँको बुद्धिको नदीले तपाईंलाई गल्ती र अलमलको स्थानबाट दर्शन र सफलताको स्थानमा लैजान सक्छ । (४) उहाँको प्रबन्धको नदीले तपाईंलाई अभावको स्थानबाट प्रचुरताको स्थानमा लैजान सक्छ । यसको अर्थ यो हुन सक्छ कि परमेश्वरले तपाईंलाई ती व्यक्तिहरूबाट अलग गर्नुहुनेछ किनभने तिनीहरूले बुझ्दैनन् कि उहाँले तपाईंलाई के गर्न बोलाउनुभएको छ र तपाईंलाई मित्रहरूको एक नयाँ समूहसँग जोड्न सक्नुहुन्छ । वा तपाईंलाई एउटा त्यस्तो चर्चमा राख्नुहुन्छ जसले तपाईंलाई आत्मिक रूपमा निर्माण गर्न सक्छ । तपाईंको जीवनको लागि परमेश्वरको योजना पूरा गर्न तपाईंलाई सुसज्जित बनाउन मदत गर्दछ । एक दासको रूपमा, मोशाकी आमाले उनलाई फारोकी छोरीकहाँ लैजान सक्नेथिइनन् तर परमेश्वरले सक्नुहुन्थ्यो र उहाँले त्यसो गर्नुभयो अनि परमेश्वरले मोशाको लागि जे गर्नुभयो, यदि तपाईंले प्रार्थनामा उहाँलाई खोज्नुभयो र उहाँका निर्देशनहरू पालन गर्नुभयो भने उहाँले तपाईंको लागि त्यसै गर्नुहुनेछ ।यसकारण हामीले कल्पनासमेत गर्न नसक्ने तरिकाले परमेश्वरले हामीलाई चलाउन र आशिष् दिन सक्नुहुन्छ ।
आत्मिक भोजनः प्रस्थान ४–६ यूहन्ना १:१–१३ भजन ६३ हितोपदेश २५:२६–२८
The Word for Today is authored by Bob and Debby Gass and published under licence from UCB International Copyright © 2024
