परमेश्वरको कृपाले तिमीलाई पश्चात्तापमा डो¥याउँछ ।’ —रोमी २:४
सुगन्धित तेलले भरिएको सङ्कमरमरको शिशी लिएर येशूलाई तेल लगाइदिने स्त्रीलाई तपाईं सम्झनुहुन्छ ? बाइबलले यसो भन्छः ‘उहाँलाई निम्तो गर्ने फरिसीले यो देखेर मनमनै यसो भन्न लागे, “यिनी अगमवक्ता हुँदा हुन् ता यिनलाई छुने को र कस्ती स्त्री हो भनी यिनले जान्नेथिए, किनकि यो त पापीनी हो”’ (लूका ७:३९) । मानव निर्मित धर्मले यी स्त्रीलाई तिनको विगतको कारण निन्दा ग¥यो, तर येशूले तिनलाई शुद्ध पार्नुभयो र पूर्ण बनाउनुभयो । ‘यसकारण म तिमीलाई भन्दछु, यसका पाप, जो धेरै छन्, क्षमा भएका छन्, किनकि यस स्त्रीले बढी प्रेम देखाई । तर जसलाई थोरै क्षमा गरिन्छ, त्यसले थोरै प्रेम गर्दछ’ (पद४७) । येशूलाई थाहा थियो यी स्त्रीले के गरेकी थिइन् , तर उहाँको अनुग्रहले तिनको जीवनलाई छोएपछि तिनी के बन्न सक्छिन् भन्ने कुरा पनि उहाँलाई थाहा थियो । वास्तवमा तपाईंका सबै पापहरूका लागि तपाईंलाई क्षमा गरिएको छ भन्ने कुरा तपाईंले जति धेरै बुभ्mनुहुन्छ, तपाईंले प्रभुलाई उति धेरै प्रेम गर्नुहुनेछ । परमेश्वरको क्षमाले पापपूर्ण जीवन शैलीमा डो¥याउँदैन; यसले त प्रभु येशूको महिमा गर्ने जीवनतर्फ डो¥याउँछ । ‘परमेश्वरको कृपाले तिमीलाई पश्चात्तापमा डो¥याउँछ ।’ पश्चाताप भन्ने शब्दको अर्थ फनक्क घुम्नु र पहिलेको भन्दा विपरीत काम गर्नु हो । दोषले धर्मी जीवन सृजना गर्दैन, तर परमेश्वरको अनुग्रह र हामीप्रतिको भलाइको ज्ञानले यस्तो धर्मी जीवन जिउन सम्भव बनाउँछ । सिमोन फरिसीले सोचेको थियो कि परमेश्वरबाट उसको अनुमोदन उसको काममा आधारित थियो । त्यसैकारण ऊ स्वधर्मी बन्यो । तर येशूले उसलाई सच्याउनुभयोः ‘जसलाई थोरै क्षमा गरिन्छ, त्यसले थोरै प्रेम गर्दछ ।’ परमेश्वरले तपाईंलाई कति धेरै र कति पटक क्षमा गर्नुभएको छ भन्ने कुरा जब तपाईंलाई थाहा हुन्छ, तपाईंले उहाँलाई प्रेम गर्नुहुन्छ र आपूmले गर्ने सबै कुरामा तपाईंले उहाँलाई प्रसन्न तुल्याउन चाहनुहुन्छ ।
आत्मिक भोजनः १ यूहन्ना ३:११–५:२१ लूका ११:१–१३ भजन ७८:४०–५५ हितोपदेश २०:४–६
The Word for Today is authored by Bob and Debby Gass and published under licence from UCB International Copyright © 2024
