परमेश्वरको वचनमा खडा हुनुहोस् (५)

‘शोकले गर्दा मेरो प्राण पग्लन्छ ।’ —भजन ११९:२८

जब तपाईं निराश हुनुहुन्छ । जब निराशा शारीरिक रूपमा आधारित हुन्छ, परमेश्वरले तपाईंलाई आश्चर्यकर्म, सही औषधी उपचार, भिटामिन, जडीबुटी र पूरक पोषक तत्वहरूमार्फत निको पार्न सक्नुहुन्छ । तर कहिलेकहीँ यो निकै गहिरोसम्म जान्छ र तपाईंको शरीरले ‘अस्वस्थ’ भएजस्तै, तपाईंको आत्मा पनि अस्वस्थ हुन सक्छ । उहाँलाई धन्यबाद होस्, परमेश्वरचाहिँ आत्माका सर्वोच्च वैद्य हुनुहुन्छ ¤ भजनकारले भनेका छन्, ‘जब मैले तपाईंलाई पुकारें, तपाईंले मलाई जवाफ दिनुभयो । तपाईंले मलाई साहसी र आँटिलो पार्नुभयो’ (भजन १३८:३) । हार मान्नु र आफ्नो परिवारमा निराशाको परम्परा रहेको छ भन्ने तथ्य स्वीकार गर्नुको सट्टा, परमेश्वरको वचनमा खडा हुनुहोस् । येशू आउनुभयो ‘मन भाँचिएकाहरूको ह्दयलाई बाँध्न, कैदमा परेकाहरूलाई स्वातन्त्रता दिन र बन्धनमा परेकाहरूलाई छुटकाराको घोषणा गर्न…खरानीको सट्टा सुन्दरताको मुकुट, र शोकको सट्टा आनन्दको तेल लगाइदिन, निराश मनको सट्टा प्रशंसाको पोशाक पहिराइदिन’ (यशैया ६१:१–३) । बाइबलले भन्दछ, ‘तपाईंले मलाई जीवनको मार्ग देखाउनुभएको छ । तपाईंको उपस्थितिद्वारा तपाईंले आनन्दरले मलाई गद्गद् पार्नुहुनेछ । तपाईंको दाहिने बाहुलीमा अनन्त आनन्द छ’ (भजन १६:११) । ‘अनि परमप्रभुले मोल तिरेर छुटकारा दिनुभएकाहरू फर्केर आउनेछन् । तिनीहरू सियोनमा गाउँदै पस्नेछन् । सदासर्वदाको आनन्द तिनीहरूका शिरको मुकुट हुनेछ । तिनीहरूले रमाहट र आनन्द प्राप्त गर्नेछन्, र शोक र सुस्केरा दूर हुनेछन्’ (यशैया ३५:१०) । ‘मैले यी कुरा तिमीहरूलाई यसैकारण भनेको छु, कि मेरो आनन्द तिमीहरूमा होस्, र तिमीहरूको आनन्द भरिपूर्ण होस्’ (यूहन्ना १५:११) । ‘अहिलेसम्म तिमीहरूले मेरो नाउँमा केही मागेका छैनौ । माग, अनि तिमीहरूले पाउनेछौ । यसरी तिमीहरूको आनन्द पूर्ण होओस्’ (यूहन्ना १६:२४) । हरेक बिहान जब तपाईं उठ्नुहुन्छ, ऐनामा हेर्नुहोस् र यस्तो घोषणा गर्नुहोस्ः ‘आजको दिन परमप्रभुले सृजनुभएको हो, यसमा हामी आनन्दित होऔं र रमाऔं’ (भजन ११८:२४) । परमेश्वरले तपाईंलाई निराशाबाट स्वतन्त्र तुल्याउन चाहनुहुन्छ, अनि जब तपाईंले आफ्नो भागको काम गर्नुहुन्छ, उहाँले उहाँको काम गर्नुहुनेछ ।

आत्मिक भोजनः न्यायकर्ता ९:३४–११:४० मर्कूस १०:३५–५२ लभजन १२९ हितोपदेश २०:२५,

The Word for Today is authored by Bob and Debby Gass and published under licence from UCB International Copyright © 2024