परमेश्वरको वचनमा खडा हुनुहोस् (१)

‘मैले तेरा अपराधहरू…र तेरा पापहरू…हटाइदिएँ ।’ —यशैया ४४:२२

जब आफैलाई क्षमा गर्न तपाईंलाई कठिन हुन्छ । बाइबलमा क्षमा नहुने एउटा मात्र पापको नाम दिइएको छ (लूका १२:१० हेर्नुहोस्) । अनि एक विश्वासीको रूपमा, सायद तपाईंले सायद त्यो पाप गर्नुभएको छैन, त्यसकारण परमेश्वरले तपाईंलाई अरू सबै कुराको लागि क्षमा गर्नुहुनेछ । तथापि, जब परमेश्वरले तपाईंलाई क्षमा गरें भन्नुहुन्छ तर तपाईंलेचाहिँ आफैलाई क्षमा गर्न इन्कार गर्नुहुन्छ, योचाहिँ न्यायाधीशले तपाईंको अपराधको लेखा हटाइदिएर तपाईंलाई मुक्त गरिसकेपछि पनि तपाईंले कैदमै बस्न रोजे जस्तै हो । अनि अझै खराब कुरा त, तपाईंले अहंकारको पाप गर्दै हुनुहुन्छ । किन ? किनभने जब परमेश्वरले तपाईंलाई क्षमा गर्नुहुन्छ तर तपाईंले आफैलाई क्षमा गर्न इन्कार गर्नुहुन्छ, तपाईंले आफ्नो विचारलाई उहाँको विचारभन्दा माथि राख्दैहुनुहुन्छ । यदि तपाईंलाई आफैलाई क्षमा गर्न समस्या भइरहेको छ भने, परमेश्वरको यी वचनमा खडा हुनुहोस्ः ‘म उही हुँ, जसले तेरा अपराधहरू मेरो आफ्नै खातिर मेटिदिन्छ, र तेरा पापहरूलाई सम्झँदैन’ (यशैया ४३:२५) । ‘मैले तेरा अपराधहरू बादलझैं र तेरा पापहरू बिहानको कुइरोझैं हटाइदिएँ । फर्केर आइज, किनकि मैले तँलाई मोल तिरेर छुटकारा दिएको छु’ (यशैया ४४:२२) । ‘दुष्टले आफ्नो बाटो र अधर्मीले आफ्नो विचार त्यागोस्, र परमप्रभुतिर फर्कोस्, र उहाँले त्यसमाथि कृपा गर्नुहुनेछ । हाम्रा परमेश्वरतर्फ त्यो फर्कोस्, र उहाँले त्यसलाई सित्तैमा क्षमा गर्नुहुनेछ’ (यशैया ५५:७) । ‘जब तैंले गरेका सबै कामका निम्ति म प्रायश्चित गर्छु, तब तैंले सम्झनेछस्, र तँ लज्जित हुनेछस्, अनि तेरो अपमानित अवस्थाको कारणले तैंले आफ्नो मुख फेरि कहिल्यै उघार्नेछैनस्, परमप्रभु परमेश्वर भन्नुहुन्छ’ (इजकिएल १६:६३) । ‘यदि हामीले आफ्ना पापहरू स्वीकार ग¥यौं भने उहाँले हाम्रा पाप क्षमा गर्नुहुन्छ, र सबै अधर्मबाट हामीलाई शुद्ध पार्नुहुन्छ, किनकि उहाँ विश्वासयोग्य र धर्मी हुनुहुन्छ’ (१ यूहन्ना १:९) । ‘यसकारण अब ख्रीष्ट येशूमा भएकाहरूलाई दण्डको आज्ञा छैन’ (रोमी ८:१) । के तपाईं ‘ख्रीष्ट येशूमा हुनुहुन्छ ?’ त्यसो हो भने आनन्द मनाउनुहोस्, तपाईंले अब दण्डको बोझमुनि संघर्ष गर्नुपर्दैन । परमेश्वरले तपाईंलाई पूर्णरूपमा क्षमा गर्नुभएको छ, त्यसकारण आफैलाई क्षमा गरेर अगि बढ्नुहोस् ।

आत्मिक भोजनः रूथ १–४ मर्कूस ९:३८–५० भजन १८:३०–५० हितोपदेश १२:२५–२८

The Word for Today is authored by Bob and Debby Gass and published under licence from UCB International Copyright © 2024