‘र त्यो चौथोचाहिँ देवताहरूको पुत्रजस्तै देखिन्छ ।’ —दानिएल ४:२५
एउटा समय आउँछ जब हामीले हाम्रो डरको सामना गर्नुपर्छ अनि हामीलाई जुन कुरा सही छ भन्ने थाहा त्यसको निम्ति अडान लिनुपर्छ । शद्रक, मेशक र अबेद्नगोले त्यही गरे । राजा नबूकदनेसरको मूर्तिलाई दण्डवत् गर्न अस्वीकार गर्दा तिनीहरूले आफ्नो ज्यान जोखिममा पारे । तिनीहरूले यसो भन्दै तर्क गर्न सक्थे, ‘म बाहिरबाट झुक्नेछु, तर भित्रबाट त होइन’ वा ‘त्यो मूर्तिलाई यहोवा हो भन्ने ठान्नेछु ।’ तर तिनीहरूले सही कुराको लागि अडान लिए, अनि त्यसले आश्चर्यकर्महरूको लागि अवसर सृजना ग¥यो । ‘त्यसपछि राजा नबूकदनेसरले आश्चर्यचकित हुँदै उफ्रेर आफ्ना सल्लाहकारहरूलाई सोधे, “के हामीले बाँधेर आगोमा फालेका तीन जना मानिसहरू होइनन् र ?” उनीहरूले जवाफ दिए, “निश्चय नै हो, महाराज ।” उनले भने, “हेर त, आगोभित्र चार जना मानिसहरू वरिपरि हिँडिरहेका देख्दछु, तिनीहरू नबाँधिएका र कुनै हानि नभएका देखिन्छन्, र त्यो चौथोचाहिँ देवताहरूको पुत्रजस्तै देखिन्छ”’ (पद २४–२५) । जब तपाईंले आपूmलाई बचाउन नसकिने परिस्थितिमा राख्नुहुन्छ, यसले परमेश्वरलाई हस्तक्षेप गर्ने अवसर दिन्छ । तर यदि शद्रक, मेशक र अबेद्नगोले मूर्तिलाई दण्डवत् गरेका भए, (१) उनीहरूले पदोन्नति पाउने थिएनन्, (२) यहूदीहरूले बेबिलोनी राज्यमा संरक्षित दर्जा पाउने थिएनन्, (३) बेबिलोनमा मूर्तिपूजा जारी रहनेथियो, र (४) नबूकदनेसरले परमेश्वरसँगको जीवन परिवर्तन गर्ने जम्काभेटको अनुभव गर्नपाउने थिएनन् । ‘नबूकदनेसरले भने, “शद्रक, मेशक र अबेद्नगोका परमेश्वरलाई प्रशंसा होस्, जसले आफ्ना दूतलाई पठाउनुभएर आफ्ना सेवकहरूलाई छुटकारा दिनुभयो । तिनीहरूले उहाँमाथि विश्वास गरे…यसरी कुनै पनि अर्को देवताले बचाउन सक्दैनन् ।” त्यसपछि राजाले शद्रक, मेशक र अबेद्नगोलाई बेबिलोनको प्रान्तमा पदोन्नति गरिदिए’ (पद २८–३०) । यसकारण यो कुरा निश्चय नै बुझिराख्नुहोस् कि आज परमेश्वरको आदर गरेर, तपाईंले आफैलाई उहाँबाट आशिष् र आदर प्राप्त गर्ने स्थानमा राख्दैहुनुहुन्छ ।
आत्मिक भोजनः गलाती ५:२२ लूका ६:२७–३६ प्रस्थान २३:१–९ रोमी १२:१४–२१
The Word for Today is authored by Bob and Debby Gass and published under licence from UCB International Copyright © 2024
