‘जबसम्म म…देख्दिनँ…तबसम्म म विश्वास गर्नेछैनँ ।’ —युहन्ना २०:२५
यूहन्नाले लेखेका छन्ः ‘येशू आउनुहुँदा बाह्र जनामध्ये एक जना, दिदुमस भन्ने थोमाचाहिँ, तिनीहरूसँग थिएनन ्। यसकारण अरू चेलाहरूले तिनलाई भने, “हामीले प्रभुलाई देख्यौँ ।” तर तिनले उनीहरूलाई भने, “जबसम्म म उहाँका हातमा कीलाहरूका डोब देख्दिनँ, र कीलाहरूका डोबमा मेरा औँला हाल्दिन, उहाँको कोखामा मेरो हात हाल्दिनँ, तबसम्म म विश्वास गर्नेछैनँ ।” आठ दिनपछि उहाँका चेलाहरू फेरि घरभित्रै थिए । थोमा पनि तिनीहरूसँग थिए । ढोकाहरू बन्द थिए तर येशू भित्र प्रवेश गर्नुभयो र माझमा उभिनुभयो…तब उहाँले थोमालाई भन्नुभयो, “तिम्रो औँला यहाँ राख र मेरा हातहरू हेर । तिम्रो हात बढाएर मेरो कोखामा हाल । शंका नगर, तर विश्वासी होऊ ।” थोमाले उहाँलाई भने, “मेरा प्रभु र मेरा परमेश्वर । ”’ (पद २४–२८) । येशूले आफ्नो चेला हुनको लागि एक जना शंका गर्ने व्यक्तिलाई छान्नुभयो । अनि जब उनले शंका गरे, येशूले उनको निन्दा गर्नुभएन र उनलाई खारेज गर्नुभएन । वास्तवमा उहाँले उनको शंका समाधान गर्न र उनको विश्वास निर्माण गर्न एउटा विशेष उपस्थिति जनाउनुभयो । लेखिका एलिजाबेथ इलियटले भनेकी छिन्, ‘साँचो विश्वासले तब मात्र काम गर्न सुरु गर्छ जब त्यहाँ कुनै जवाफ हुँदैन ।’ परमेश्वर भन्नुहुन्छ, ‘मेरा विचारहरू तिमीहरूका विचार होइनन्’ (यशैया ५५:८) । सत्यता के हो भने, परमेश्वरले हामीले जस्तो सोच्नुहुन्न । उहाँले समग्र तस्बिर देख्नुहुन्छ, र उहाँले एउटा विशेष लक्ष्यतर्फ काम गर्नुहुन्छ । येशूले भन्नुभयो, ‘मैले तिमीहरूलाई भन्ने कुरा अझ धेरै छन्, तर अहिले तिमीहरू ती कुरा सहन सक्दैनौ’ (यूहन्ना १६:१२) । त्यसकारण जब तपाईं आपूmले शंका गरेको पाउनुहुन्छ, यस्तो प्रार्थना गर्नुहोस्ः ‘हे प्रभु, जब म दुःखी हुन्छु र अलमलमा हुन्छु अनि तपाईं मौन हुनुहुन्छ, विश्वास गर्न सजिलो छैन । थोमा जस्तै, तपाईंले मलाई प्रेम गर्नुहुन्छ भन्ने म प्रमाण चाहन्छु । शान्ति र सहजताको मेरो चाहनाभन्दा परसम्म, मेरा शंकाहरू र अनुत्तरित प्रश्नहरूभन्दा परसम्म देख्न र तपाईंको अचूक प्रेम र अनुग्रहको सत्यता बुझ्न मलाई सहायता गर्नुहोस् ।’यसरी तपाईंले शंका हटाएर परमेश्वरमा भरोसा राख्न सिक्नुहुनेछ ।
आत्मिक भोजनः १ राजा ३–५ मत्ती १५:१५–३९ भजन ३३:१३–२२ हितोपदेश ५:१५–२०
The Word for Today is authored by Bob and Debby Gass and published under licence from UCB International Copyright © 2024
