परमेश्वरले आफ्नो इच्छा पूरा गर्न किन कमजोर मानिसहरूलाई छान्नुहुन्छ ?

परमेश्वरले संसारका निर्बल कुराहरूलाई छान्नुभयो ।’ —१ कोरिन्थी १:२७

यसको उत्तर होः किनभने परमेश्वरले काम गर्नुपर्ने एक मात्र प्रकारका मानिसहरू कमजोर मानिसहरू नै हुन् ¤ परमेश्वरसँग मोशाको सम्बन्धलाई यी उल्लेखनीय शब्दहरूमा वर्णन गरिएको छः ‘परमप्रभु मोशासित यसरी आमने–सामने कुरा गर्नुहुन्थ्यो, जसरी कोही आप्mना मित्रसित कुरा गर्दछ’ (प्रस्थान ३३:११) । त्यसोभए, के मोशा सिद्ध थिए त ? कत्ति पनि होइन । उनले आफ्नो जीवनको पहिलो चालीस वर्ष फारोको दरबारमा राजकुमारको रूपमा बिताए, र अर्को चालीस वर्ष उजाडस्थानमा गोठालोको रूपमा बिताए । बाइबलले तिनको वैवाहिक जीवनको तनाव र तिनको दबाव र निराशाको समयबारे बताउँछ । द टेन कमान्डमेन्ट्स अर्थात् दश आज्ञा नामक चलचित्रमा अग्ला, सुन्दर र स्पष्ट बोल्न सक्ने अभिनेता चाल्र्टन हेस्टनले मोशाको अभिनय गरेका छन् । तर मोशा वास्तवमा एक कमजोर, लज्जालु वक्ता थिए जो नअकमकाई दुई शब्द बोल्न सक्दैनथे पृथ्वीको सबैभन्दा डरलाग्दो तानाशाहको सभामा बोल्ने त कुरै छोडिदिऊँ । बाइबलले इस्राएलीहरूलाई एउटा ‘समुदाय’ भनी वर्णन गर्दछ जसले मोशालाई पास्टर बनायो । अनि कुनै पनि पास्टरले चर्चमा तिनले भन्दा बढी समस्या सामना गर्नुपरेन । तपाईंले भन्नुहोला, ‘किन मोशाका कमजोरीहरूको कुरा ल्याउनुहुन्छ ?’ तपाईंलाई प्रोत्साहन दिन ¤ तपाईंलाई थाहा दिनको लागि कि तपाईंका त्रुटिहरूले तपाईंलाई अयोग्य बनाउँदैन अनि तपाईंका सीमितताहरूले परमेश्वरले तपाईंमार्फत जे गर्न सक्नुहुन्छ त्यसलाई सीमित गर्दैनन् । पावलले यस्तो लेखेका छन्ः ‘किनकि भाइ हो, जब तिमीहरू बोलाइएका थियौ, तिमीहरू कस्ता थियौ ? सो विचार गर । सांसारिक स्तरअनुसार तिमीहरूमध्ये धेरै जना बुद्धिमान्, धेरै जना शक्तिशाली र धेरै जना खानदानी थिएनौ । तर बुद्धिमान्हरूलाई शर्ममा पार्न परमेश्वरले संसारका मूर्ख कुराहरूलाई छान्नुभयो, र शक्तिशालीलाई शर्ममा पार्नलाई परमेश्वरले संसारका निर्बल कुराहरूलाई छान्नुभयो…यसैले कुनै प्राणीले परमेश्वरको सामुन्ने अहंकार नगरोस्’ (१ कोरिन्थी १:२६–२७, २९) ।हामी सबै कमजोर नै छौं, यसकारण परमेश्वरले आफ्नो इच्छा पूरा गर्न कमजोर मानिसहरूलाई छान्नुहुन्छ भन्ने कुराले हामीलाई उत्साह दिन सकोस् ।

आत्मिक भोजनः २ इतिहास २९–३१ लूका १७:२०–३७ भजन ११९:१३७–१४४ हितोपदेश २२:११–१३

The Word for Today is authored by Bob and Debby Gass and published under licence from UCB International Copyright © 2024