‘ख्रीष्ट येशू मेरा प्रभुलाई चिन्न पाउने अमूल्य कुराको तुलनामा सबै कुरालाई म हानि नै ठान्दछु ।’ —फिलिप्पी ३:८
परमेश्वरले काम गरिरहनुभएको छ तपाईंले ख्रीष्टमा आफ्नो जीवन समर्पित गर्नुअगि तपाईंले पश्चात्ताप गर्नुपर्ने कुराहरूसहित तपाईंले भोग्नुभएका अनुभवहरूलाई छुटकारा दिन सकिन्छ र असल कामका लागि प्रयोग गर्न सकिन्छ । पावलले दमस्कसको बाटोमा ख्रीष्टलाई भेट्नुअगि, उनको जीवन पुरानो करारको व्यवस्थाको अध्ययनमा समर्पित थियो । ‘म इस्राएल जातिको, बेन्यामीन कुलको हूँ , हिब्रूको पनि हिब्रू, व्यवस्थाको विषयमा हो भने एक फरिसी, जोशको विषयमा हो भने मण्डलीलाई सताउने, धार्मिकताको विषयमा हो भने व्यवस्थामा भएको धार्मिकताबमोजिम निष्खोट ठहरिएको हूँ (५–६) । पछाडि फर्केर हेर्दा, पावलले फरिसीको रूपमा आफ्नो वर्षौंको अध्ययन खेर गएको जस्तो लाग्न सक्छ । तर यहूदीहरूलाई कसरी ख्रीष्ट पुरानो करारको धर्मशास्त्रको पूर्णता हुनुहुन्थ्यो भन्ने कुरा देखाउन परमेश्वरले उनलाई तयार गर्नुभएको थियो । हामीले ख्रीष्टलाई मुक्तिदाताको रूपमा नचिनेको दिनसम्म परमेश्वरले हाम्रो जीवनमा काम गर्न थाल्नुहुन्न भन्ने सोचाइको पासोमा फस्न सजिलो छ । धर्मशास्त्रले बताउँछ कि उहाँले हामीलाई ‘पहिलेबाटै चिन्नुभएको छ’ अर्थात् हामीले उहाँलाई भेट्नुभन्दा धेरै अगि नै उहाँले हामीलाई चुन्नुभयो र तयार गर्नुभयो (रोमी ८:२९–३० हेर्नुहोस्) । दाऊद भन्छन् कि परमेश्वरले आफ्नो जीवनका सबै दिनहरू कहिल्यै आउनुअगि लेख्नुभयो (हेर्नुहोस् भजन १३९:१६), र यो तपाईंको लागि सत्य हो । तपाईंलाई थाहै नभए तापनि परमेश्वरले तपाईंको जीवनमा काम गरिरहनुभएको छ । तपाईंले उहाँले काम गर्नुभएको देख्न नसक्नुहोला, तथापि उहाँ सधैं तपाईंभित्र सक्रिय हुनुहुन्छ र उहाँको इच्छाअनुसार तपाईंलाई काम गर्न लगाइरहनुभएको हुन्छ । ‘किनकि तिमीहरूलाई उहाँको असल अभिप्रायअनुसार इच्छा गर्ने र काम गर्ने दुवै तुल्याउनलाई परमेश्वर तिमीहरूमा काम गर्नुहुन्छ’ (फिलिप्पी २:१३) ।‘के परमेश्वरल काम गरिरहनुभएको छ ?’ भन्ने प्रश्नलाई विश्वासले यस्तो घोषणा गर्ने कथनमा परिवर्तन गरिदिन्छः ‘परमेश्वरले काम गरिरहनुभएको छ ’
आत्मिक भोजनः रोमी १२–१४ यूहन्ना ११:१–१६ भजन १०५:१–१५ हितोपदेश ३०:१–४
The Word for Today is authored by Bob and Debby Gass and published under licence from UCB International Copyright © 2024
