‘अघि–अघिका कुराहरूको सम्झना हुनेछैन, न त ती मनमा आउनेछन् ।’ —यशैया ६५:१७
परमेश्वरले तपाईंका सम्झनाहरूलाई निको पार्न सक्नुहुन्छशैतानलाई ‘दोष लगाउने’ भनिन्छ र उसले तपाईंलाई तपाईंको विगतमा केन्द्रित राख्न प्रयास गर्नेछ । उसले तपाईंलाई हरेक दिन चोट पु¥याउन सक्छ जबसम्म तपाईंले परमेश्वरको क्षमा स्वीकार गर्नुहुन्न, आफैलाई क्षमा गर्नुहुन्न, र अगाडि बढ्नुहुन्न । क्रुसमा, येशूले तपाईंको पाप र लाज दुवै बोक्नुभयो, तर शैतान तपाईंले ती कुराको बोझ बोकिरहनुभएको चाहन्छ । तपाईं जवाफ कहाँ पाउन सक्नुहुन्छ ? यी धर्मशास्त्रहरूमा हेर्नुहोस्ः (१) ‘हेर, म नयाँ आकाश र नयाँ पृथ्वी सृष्टि गर्नेछु । अघि अघिका कुराहरुको सम्झना हुनेछैन , तन ती मनमा आउनेछन् (पद १७) । तपाईंले भन्नुहोला, ‘तर त्यो भविष्यमै छ ।’ सत्य कुरा हो । तर बाइबलले बताउँछ कि हामीले पहिले नै ‘आउने युगका शक्तिको स्वाद चाखिसकेका छौं’ (हिब्रू ६:५) र हाम्रो जीवन ‘पृथ्वीमामाथि आकाश रहुञ्जेल’ चिरायु रहन सक्छ (व्यवस्था ११:२१) । (२) ‘बितेका कुराहरूलाई भूल, उहिलेका कुराहरूलाई विचार नगर । हेर, म एउटा नयाँ कुरो गर्दैछु त्यो अब हुन आउँछ । के तिमीहरू त्यो देख्दैनौ? म मरुभूमिमा एउटा बाटो र रूखो जमिनमा खोलाहरू बनाउँदैछु’ (यशैया ४३:१८–१९) । (३) ‘नडरा, तँ शर्ममा पर्नेछैनस् । अनादरको भय नमान्, तँ होच्याइनेछैनस् । तैंले आफ्नो जवानीपनको लाजलाई भुल्नेछस् र तेरो विधवापनको निन्दा तैंले फेरि कहिल्यै सम्झनेछैनस्’ (यशैया ५४:४) । तपाईंले भन्नुहोला, ‘म नसम्झी रहनै सक्दिनँ ’ हो तपाईंले सक्नुहुन्छ प्रेरित बन्नुभन्दा अघि इसाईहरूलाई मार्ने र कैद गर्ने पावलले यसो भनेका छन्ः ‘म एउटा काम गर्दछु, कि पछाडिका कुराहरू बिर्सेर र अगाडिका कुराहरूतिर जोडसँग लम्कँदै ख्रीष्ट येशूमा परमेश्वरको स्वर्गीय बोलावटमा पाइने पुरस्कारको निम्ति निशानातिर म जोडसँग अगि बढ्दछु’ (फिलिप्पी ३:१३–१४) । परमेश्वरले तपाईंका सम्झनाहरू स्वस्थ तुल्याउन सक्नुहुन्छ, त्यसैकारण त्यो प्रक्रिया सुरु हुन दिनुहोस् ।
आत्मिक भोजनः यशैया ४५–४८ यूहन्ना ८:२१–३० भजन ८६ हितोपदेश २८:२१–२४
The Word for Today is authored by Bob and Debby Gass and published under licence from UCB International Copyright © 2024
