‘तँ थोरै कुरामा विश्वासी भइस्, अब म तँलाई धेरै कुराको जिम्मा दिनेछु ।’ —मत्ती २५:२१
तपाईंका दयाका साना कामहरूलाई अरू मानिसहरूले बेवास्ता गर्न सक्छन् तर परमेश्वरले तिनीहरूलाई देख्नुहुन्छ । अनि तिनीहरूले तपाईंले कहिल्यै कल्पना नगर्नुभएको तरिकामा तपाईंलाई पुरस्कृत गर्न सक्छन् । योसेफको मामला विचार गर्नुहोस् । आफ्ना दाजुहरूद्वारा धोका पाएका र आफ्नो मालिककी पत्नीद्वारा झूटो आरोप लगाइएका उनी तेह्र वर्ष झ्यालखानमा पर्छन् । यदि कुनै व्यक्तिलाई जीवन र परमेश्वरप्रति तीतो बन्ने कारण थियो भने, त्यो उनी नै हुने थिए । तर आत्म–दयामा पर्नुको सट्टा, उनले अरूका आवश्यकताहरूमा ध्यान केन्द्रित गरे । योसेफका दुई जना झ्यालखानाका साथीहरू थिएः एक जना दाखमद्य टक्रयाउने र अर्को खाना बनाउने व्यक्ति जसले फारोको दरबारमा काम गरेका थिए, जोसँग राजा असन्तुष्ट भएका थिए र दुवै जना योसेफसँगै झ्यालखाना परेका थिए । बाइबलले के भन्छ ध्यान दिनुहोस्ः ‘बिहान आउँदा योसेफले उनीहरूलाई अफसोस गरिरहेका देखे’ (उत्पत्ति ४०:६) । परमेश्वरले योसेफलाई मिश्रदेशको हेरचाह गर्न अनुमति दिनुभन्दा पहिले, उनले आफ्ना सँगीकैदीहरूको हेरचाह गरेको उहाँले हेर्नुभयो । फलस्वरूप, जब तिनीहरूमध्ये एक जनालाई राजाले फेरि निगाह देखाए, उसले योसेफलाई आफ्नो आवश्यकता पूरा गर्न योग्य व्यक्तिको रूपमा फारोकहाँ सिफारिस ग¥यो । परमेश्वरको लागि दया महत्वपूर्ण छ । जब तपाईंले कुनै खाँचो देख्नुहुन्छ, त्यसलाई पूरा गर्ने प्रयास गर्नुहोस् । यदि तपाईं ठूला कामहरू गर्ने सपना देख्नुहुन्छ भने असल भावनाबाट साना कामहरू सुरु गर्नुहोस् । समयमा आइपुग्नुहोस् । आफ्नो काम चाँडै पूरा गर्नुहोस् । गनगन नगर्नुहोस् । जब तपाईंलाई कुनै काम दिइन्छ, त्यसलाई लिनुहोस् अनि परमेश्वरले तपाईंलाई त्यसको लागि इनाम दिनुहुनेछः ‘मालिकले त्यसलाई भने, “स्याबास, असल र विश्वासी नोकर तँ थोरै कुरामा विश्वासी भइस्, अब म तँलाई धेरै कुराको जिम्मा दिनेछु । तँ आफ्ना मालिकको खुशीमा सहभागी हो”’ (मत्ती २५:२१) ।यसकारण परमेश्वरको जाँचमा सफल बन्न, इमानदारीतासाथ काम गर्नु आवश्यक छ ।
आत्मिक भोजनः २ कोरिन्थी ९:१–११:१५ लूका २:८–२० भजन १४४:९–१५ हितोपदेश १६:४–७
The Word for Today is authored by Bob and Debby Gass and published under licence from UCB International Copyright © 2024
