परमेश्वरले दिनुभएको प्रतिज्ञामा अडिग रहनुहोस्

‘जबसम्म तिनको वचन पूरा भएन, तबसम्म परमप्रभुको वचनले तिनको जाँच ग¥यो ।’ —भजन १०५:१९

परमेश्वरले दिनुभएको प्रतिज्ञामा अडिग रहनुहोस्उनीप्रति उनका बाबुको निगाहलाई संकेत गर्ने रंगिन लबेदा जब योसेफका दाजुहरूले बलजÇती खोसेर लिए, तब कुन कुराले योसेफलाई स्थिर राख्यो ? परमेश्वरले दिनुभएको प्रतिज्ञाले । जब उनलाई खाडलमा फालियो र त्यसपछि दासत्वमा बेचियो, उनलाई कुन कुराले स्थिर राख्यो ? परमेश्वरले दिनुभएको प्रतिज्ञाले । जब उनले कैदमा साथी बनाएको फारोको मुख्य पियाउने कर्मचारीले उनको पक्षमा बोल्न सकेन, उनलाई कुन कुराले स्थिर राख्यो ? परमेश्वरले दिनुभएको प्रतिज्ञाले । ‘उहाँले योसेफ नाउँ भएका एक जनालाई तिनीहरूका अगि पठाउनुभयो, जो कमारा हुनलाई बेचिएका थिए…तिनको गलामा फलामको जन्जीर लगाइदिए, जबसम्म तिनको वचन पूरा भएन, तथा परमप्रभुको वचनले तिनलाई सच्चा प्रमाणित गरेन । राजाले मानिस पठाएर तिनलाई छुटकारा गरिदिए, जनताका शासकले तिनलाई बन्धनबाट मुक्त गरे । राजाले तिनलाई आफ्नो राजभवनका प्रधान बनाए’ (पद १७–२१) । परमेश्वरको वचन समयको जाँच पार गरेर खडा हुनेछ, तर यो पूरा हुनको लागि आफ्नो जाँचको समयमा तपाईं विश्वासमा बलियो हुनुपर्छ । तपाईंको परिवारको आचरण र कार्यबाट तपाईंको जाँच हुनेछ । तपाईंले विश्वास गर्नुभएका साथीहरूको अविश्वास र विश्वासघातबाट तपाईंको जाँच हुनेछ । परमेश्वरले तपाईंलाई दिनुभएको प्रतिज्ञाको विपरीत जस्तो देखिने कठिनाइ र कठिन परिस्थितिहरूमा जिउँदा तपाईंको जाँच हुनेछ । बुभ्mनुभयो, परमेश्वरले तपाईंको सुविधामा भन्दा तपाईंको चरित्रमा बढी चासो राख्नुहुन्छ । बाइबलको न्यु लिभिङ ट्रान्सलेसन संस्करणले यसो भन्छ, ‘उनको सपना पूरा हुने समय नआउञ्जेल, प्रभुले योसेफको चरित्रको जाँच गर्नुभयो’ (पद १९) । किन कुनै कुराको जाँच गर्नुपर्छ ? यो भरपर्दो छ कि छैन भन्ने पत्ता लगाउन । अनि जब तपाईं विश्वासयोग्य साबित हुनुहुन्छ, तपाईं यो प्रतिज्ञामा खडा हुन सक्नुहुन्छ, ‘त्यो निश्चय नै पूरा हुनेछ’ (हबकूक २:३) ।त्यसकारण, परमेश्वरले तपाईंलाई दिनुभएको प्रतिज्ञामा अडिग रहनुहोस् ।

आत्मिक भोजनः उत्पत्ति ४–६ यूहन्ना १२:२०–३६ भजन १०२:१२–१७ हितोपदेश ३०:२१–२३

The Word for Today is authored by Bob and Debby Gass and published under licence from UCB International Copyright © 2024