‘हामीले जे गर्नुपर्ने हो सो हामी जान्दैनौं, तर हामी आप्mना आँखा तपाईंतिर उठाउँछौं ।’ —२ इतिहास २०:१२
धर्मशास्त्रका नायकहरूले अक्सर आफूलाई असम्भव बाधाहरू र विचलित तुल्याउने परिस्थितिहरूको सामना गर्नुपर्ने अवस्थामा पाए । मोशा फारोको सामु उभिएको र दाऊद गोल्यतको अगाडि उभिएको कुरा विचार गर्नुहोस् । राजा यहोशापातले आफ्नो राष्ट्रलाई नाश गर्न प्रतिबद्ध तीन वटा संयुक्त सेनाहरूको भारी शक्तिको सामना गरेकोबारे विचार गर्नुहोस् । उनले परमेश्वरलाई भनेको कुरा यहाँ छः ‘किनभने हाम्रो देशलाई आक्रमण गर्न आइरहेको यो ठूलो सैन्य–दलको सामना गर्न हाम्रो केही शक्ति छैन । हामीले जे गर्नुपर्ने हो सो हामी जान्दैनौं, तर हामी आप्mना आँखा तपाईंतिर उठाउँछौं ’ (पद १२) । अब ध्यान दिनुहोस्, परमेश्वरले उनलाई कसरी जवाफ दिनुभयोः ‘नडराओ, यस ठूलो सैन्यदलदेखि नआत्तिओ । किनभने लडाइँ परमप्रभुको हातमा छ, तिमीहरूका हातमा होइन…यो लडाइँ तिमीहरूले लड्नुपर्नेछैन । ताँतीमा दृढ भएर पर्खिबस । परमप्रभुले तिमीहरूका उद्धारको काम गर्नुभएको तिमीहरू देख्नेछौ । नडराओ, न त आत्तिओ । भोलि उनीहरूको सामना गर्न तिमीहरू निस्किआओ । किनभने परमप्रभु तिमीहरूतर्फ हुनुहुनेछ’ (पद१५–१७) । परमेश्वरले तपाईंलाई कहिल्यै त्यस्तो काम दिनुहुन्न जसमा उहाँको शक्ति, उहाँको बुद्धि, उहाँका स्रोतसाधनहरू, र कहिलेकहीँ उहाँको आश्चमर्यजनक हस्तक्षेप आवश्यक पर्दैन । चेलाहरूलाई डुंगामा चढेर गालीलको पल्लो छेउमा जान कसले आज्ञा दियो ? येशूले । अनि के भयो ? उहाँको आज्ञा पालन गर्न तिनीहरूले आफ्नोजीवनका सबैभन्दा खराब आँधीबेहरीहरू मध्ये एकमा जानुपर्ने थियो । तर उहाँले आँधीबेहरीलाई शान्त बनाउनुभएको जब तिनीहरूले देखे, तिनीहरूको विश्वास नयाँ स्तरमा बढेर गयो अनि भविष्यमा परमेश्वरको लागि ठूला कामहरू गर्न तिनीहरूलाई तयार बनायो । त्यसकारण तपाईंको लागि आजको वचन यो होः (१) आफैलाई तयार राख्नुहोस्, (२) शान्त हुनुहोस् र प्रभुको उद्धार देख्नुहोस्, अनि (३) नडराउनुहोस्…अगि बढ्नुहोस्…किनकि परमप्रभु तपाईंसँग हुनुहुन्छ ।
आत्मिक भोजनः १ इतिहास १९:१–२३:२० लूका १३:१–१७ भजन ११९:४९–५६ हितोपदेश २१:४–६
The Word for Today is authored by Bob and Debby Gass and published under licence from UCB International Copyright © 2024
